ﺃﺭﻳﺪﻙ ﻛﻴﻒ
ﺍﺭﻳﺪﻙ ﻛﻴﻒ ... ﺍﺭﻳﺪﻙ ﻛﻴﻒ ﻭﺑﻴﺘﻜﻢ ﺍﻧﺘﻮ ﺳﺎﺑﻊ ﺩﻭﺭ
ﻭﺭﻳﺤﺔ ﻛﻠﺒﻜﻢ ﺭﻳﻒ ﺩﻭﺭ . ﺃﺭﻳﺪﻙ ﻛﻴﻒ
ﺍﻧﺤﻦ ﺍﻟﺒﻴﺘﻨﺎ ﺟﻤﺐ ﺍﻟﺨﻮﺭ ﻭﺑﻴﺘﻨﺎ ﺍﻟﺪﻳﻤﺎ ﻗﺎﻃﻊ ﻧﻮﺭ
ﻣﻼﺣﻨﺎ ﺍﻟﻔﻮﻝ ﻛﻤﺎﻥ ﺑﻨﺤﻠﻲ ﺑﺎﻟﻌﺠﻮﺭ
ﺍﺭﻳﺪﻙ ﻛﻴﻒ ﻳﺎ ﺯﻳﻨﺔ ﺑﻨﺎﺕ ﺍﻟﺤﻮﺭ
ﺍﻧﺤﻦ ﺣﻴﺎﺗﻨﺎ ﻣﺨﺘﻠﻔﺔ ﻭﻗﺘﻴﻦ ﺗﻘﻌﺪﻭﺍ ﻓﻲ ﺍﻟﺼﻔﺮﺓ
ﻭﻛﻞ ﻭﺍﺣﺪ ﺣﺪﺍﻭ ﺻﺤﻨﻮ
ﻋﺠﺐ ﻭﺍﻟﻠﻪ ﻭﺭﺍﻧﺎ ﺍﻟﺰﻣﻦ ﻣﺤﻨﻮ
ﻓﺮﻕ ﺷﻌﺐ ﻓﻲ ﻭﻃﻨﻮ
ﺩﺍ ﻣﺎ ﺍﻟﺨﻠﻲ ﺍﻟﺤﺴﻦ ﻫﺎﺝ ﻓﻮﻕ ﺃﺧﻮﻩ ﻭﻃﻌﻨﻮ
ﺃﺭﻳﺪﻙ ﻛﻴﻒ ﻭﺍﻧﺘﻮ ﺑﺘﺎﻛﻠﻮ ﺑﺎﻟﺸﻮﻛﺔ
ﺗﻐﺎﺯﻟﻮ ﺍﻟﻠﺤﻤﺔ ﻓﻲ ﺍﻟﺴﺮﻭﻳﺲ ﺗﻬﺒﺸﻮﺍ ﺻﻠﻄﺔ
ﺍﻟﻤﺎﻳﻮﻧﻴﺰ
ﻭﻃﺒﻌﺎً ﺩﺍ ﻛﻠﻮ ﺑﺎﻟﺸﻮﻛﺔ
ﻭﻧﺤﻦ ﻣﻼﺣﻨﺎ ﻣﻔﺮﻭﻛﺔ
ﻭﺑﻨﻌﺠﻨﺔ ﻛﺴﺮﻱ ﺑﻲ ﻭﻳﻜﺔ
ﻫﻨﺪﻳﻚ ﻳﻤﻪ ﺑﺖ ﺍﻟﺰﻳﻦ ﺗﻌﻮﺱ ﺍﻟﻜﺴﺮﻱ ﻓﻲ ﺍﻟﺪﻭﻛﺔ
ﻭﺗﺰﻳﺪ ﺧﻤﺎﺭ ﻋﺠﻴﻨﺔ ﺩﻗﻴﻖ ﻭﺗﻘﻮﻟﻨﺎ ﻛﺴﺮﻱ ﻣﺒﺮﻭﻛﺔ
ﺩﻗﻴﻘﺔ ﺯﻭﺍﺭﻩ ﻓﻲ ﺍﻟﺸﻴﺨﺔ ﻫﺪﻳــــــــــﻜﻪ ﺑﻬﺎﻳﻤﻪ
ﻣﻔﻜﻮﻛﺔ
ﺑﺘﻌﻮﺱ ﻳﻤﻪ ﻋﻘﺐ ﻻ ﺗﻜﻞ ﻭﻻ ﺑﺘﻤﻞ ﺗﻀﺎﺭﻱ ﺩﻣﻮﻋﻪ
ﺑﺸﻮﻗﻪ ﻭﻗﺖ ﺍﻟﺼﺎﺝ ﻳﺤﺮ ﻳﺴﺨﻦ ﺗﻬﺪﻳﻬﻮ ﻳﻤﻪ ﺑﺮﻭﻗﻪ
ﻭﺗﺠﻴﺐ ﻣﻌﺮﺍﻛﺘﻪ ﻭﺗﻤﺴﺢ ﻭﺗﻄﻌﻦ ﻓﻮﻗﻪ ﻃﺎﻳﻮﻗﻪ .
ﻃﺒﻖ ﺍﻟﻜﺴﺮﻱ ﻳﺘﻨﺪﻝ ﺗﻀﺎﺭﻳﻮ ﻳﻤﻪ ﺑﺘﻮﺑﻪ
ﻋﺸﺎﻥ ﺃﺣﻤﺪ ﻭﻗﺖ ﻳﻘﻄﻊ ﺑﺠﺰ ﺍﻟﻜﺴﺮﻱ ﻣﻦ ﻓﻮﻗﺔ
ﻭﻳﺎﺑﻪ ﺍﻟﺠﺎﻱ ﻣﻦ ﺷﻐﻠﻮ ﻭﻋﺎﺭﻑ ﺍﻟﺸﺎﺭﻱ ﺳﺒﻠﻮﻛﺔ
ﺑﺘﺴﻤﻊ ﻓﻮﻕ ﺳﻜﺎﺗﻮ ﺍﻧﻴﻦ ﺗﺤﺲ ﻓﻲ ﺣﻠﻘﻮ ﺩﻳﻚ
ﺍﻟﻌﺒﺮﺓ ﻣﺨﻨﻮﻗﺔ
ﻳﺸﻴﻞ ﺍﺣﻤﺪ ﻳﻌﺎﻳﻦ ﻟﻴﻬﻮ ﺗﻜﻨﻮ ﺑﻴﺸﻚ ﻓﻲ ﻳﻮﻡ ﺑﺎﻛﺮ
ﻭﻳﺠﺮ ﺳﺒﻠﻮﻛﺘﻮ ﺑﺮﻭﻗﺔ
ﻭﻳﺼﻠﻲ ﺻﻼﺗﻮ ﻭﻳﺴﺘﻐﻔﺮ .
ﺗﺮﻭﺡ ﺍﻟﻌﺒﺮﺓ ﻣﻔﻜﻮﻛﺔ ﻳﺼﻴﺢ ﻟﻴﻤﻪ ﺑﺖ ﺍﻟﺰﻳﻦ ﻫﻴﺎﺍﺍﺍ
ﺳﺖ ﺍﻟﺒﻨﺎﺕ ﺑﺴﺮﺍﺍﺍﺍﻉ ﺑﻄﻨﺎ ﻣﻄﻘﻄﻘﺔ
ﻋﺮﻭﻗﺔ .
ﻭﻧﻘﻌﺪ ﻓﻲ ﺍﻟﺒﻨﺎﺑﺮ ﺩﻳﻚ ﺑﻄﻨﺎ ﺍﻟﺨﺎﻭﻳﻪ ﺑﺠﻮﻋﺔ
ﻧﺒﻠﻊ ﻟﻘﻤﺎً ﺗﺤﻠﻒ ﺗﻘﻮﻝ ﺿﻔﺪﻉ ﻣﺘﻠﺐ ﺟﻮ ﺑﺎﻟﻮﻋﺔ
ﺑﻨﺒﻠﻊ ﻭﻣﺎﻓﻲ ﺯﻭﻝ ﺑﻤﺪﻍ ﺳﺨﺎﻧﺔ ﺍﻟﻮﻳﻜﻪ ﻭﺍﻟﺠﻮﻋﺔ
ﻭﺍﻻﻳﺪ ﻣﺎﺷﻪ ﻣﺮﻓﻮﻋﺔ ﻭ ﻭﻳﻜﺔ ﺳﺎﻳﻠﺔ ﻟﻜﻮﻋﺔ
ﻧﻘﻮﻡ ﻣﻦ ﺍﻻﻛﻞ ﺷﻠﻪ ﻭﺟﻤﺎﻋﺔ ﻭﻣﺎ ﺍﻇﻦ ﺷﺒﻌﻮ
ﻫﺪﻳــــــﻜﻪ ﺑﻴﻜﺎﺑﺴﻮ ﻓﻲ ﺍﻟﺤﻠﻪ ﻟﻜﻦ ﻣﺎﻫﻲ ﻛﺴﺮﻱ
ﺑﻲ ﻣﻮﻳﻪ
ﻣﻦ ﺍﻟﺰﻳﺮ ﺃﻭ ﺍﻟﻘﻠﺔ ﺑﻨﻔﺮﻗﺔ ﺗﻤﻠﻪ ﺑﺴﺘﻠﻪ ﻭﻫﻮ ﺍﻧﺤﻦ
ﻣﻼﺣﻨﺎ ﺩﺍ ﺑﻨﺴﻤﻲ ﻣﻼﺡ
ﺃﺭﻳﺪﻙ ﻛﻴﻒ ﻭﺍﻧﺘﻮ ﻣﻼﺣﻜﻢ ﺍﻟﺘﻔﺎﺡ
ﻳﻤﻴﻦ ﺑﺎﺑﺎﻛﻲ ﻟﻮ ﺷﺎﻓﻨﻲ ﺑﺒﻠﻊ ﻓﻲ ﻟﻘﻤﺔ ﺑﻠﻊ ﺻﺎﺡ
ﻳﺤﻠﻒ ﻳﻘﻮ ﺟﺪ ﺩﺍ ﻣﺎ ﺯﻭﻝ ﺩﺍ ﺗﻤﺴﺎﺡ
ﺍﻧﺤﻦ ﺧﺸﻤﻨﺎ ﻭﻗﺘﻴﻦ ﻳﻨﻔﺘﺢ ﺗﺤﻠﻔﻲ ﺗﻘﻮﻟﻲ ﺑﺲ
ﻳﺘﻤﺰﻉ ﻣﺎ ﺑﺘﻤﺰﻉ ﻃﻖ .. ﻃﻖ .. ﻃﺮﻕ ﺑﺼﻞ ﺍﻻﺿﺎﻥ
ﻣﻤﻜﻦ ﻛﻤﺎﻥ ﻳﺪﺧﻞ ﺿﻠﻊ .
ﺃﺭﻳﺪﻙ ﻛﻴﻒ ﻭﺍﻧﺎ ﻛﺮﺍﻋﻲ ﺍﻟﺘﻘﻮﻝ ﻣﻜﻮﻩ ﻭﻗﺖ ﺍﺣﻠﻢ ..
ﺑﺤﻠﻢ ﺑﺄﻭﻗﺎﺕ ﻓﻲ ﺍﻟﻐﺎﻟﺐ ﺗﻜﻮﻥ ﺑﻠﻮﻩ .
ﺃﺭﻳﺪﻙ ﻛﻴﻒ .. ﻭﻛﻴﻒ ﻳﺘﺤﺐ ﺯﻭﻝ ﻓﻄﻤﻮﻫﻮ
ﺑﺎﻟﻘﻬﻮﺓ .. ﻭﻛﻴﻒ ﻳﺘﺤﺐ ﺯﻭﻝ ﻓﻄﻤﻮﻫﻮ ﺑﺎﻟﻘﻬﻮﺓ