ﺍﻟﺴﻴﺴﺘﺮ
ﺃﻧﺎ ﺍﻟﻌﻴﺎﻥ
ﺣﺮﺍﺭﺗﻲ ﺍﻟﻀﺎﺭﺑﺔ ﻓﻮﻕ ﻣﻴﺘﻴﻦ
ﻭ ﻻ ﺑﻴﻨﻔﻊ ﺑﺨﻮﺭ ﺗﻴﻤﺎﻥ
ﻭ ﻻ ﺑﺘﻨﺰﻝ ﺩﻣﻮﻉ ﺑﺎﻟﻌﻴﻦ
ﺭﻗﺪﺕ ﺳﻨﻴﻦ
ﺳﺮﻳﺮﻱ ﺗﻌﺐ
ﻣﺮﻛﺐ ﻓﻮﻕ ﻭﺭﻳﺪﻱ ﺩﺭﺏ
ﺗﻌﺐ ﻭ ﺭﻋﺐ
ﺟﺤﺮ ﻋﻴﻨﻲ ﻳﺪﺧﻞ ﻓﺎﺭﺓ ﺃﻡ ﺳﻴﺴﻲ
ﻭ ﺃﺟﺮﺟﺮ ﻧﻔﺴﻲ ﺑﺎﻟﺴﻴﺴﻲ
ﺃﺗﻘﻮﻝ ﻣﺨﻨﻮﻕ
ﻣﺼﻨﻘﻊ ﻓﻮﻕ
ﻭ ﻛﻞ ﻣﺎ ﻳﻮﻡ ﻳﺸﻴﻠﻮﺍ ﺍﻟﺪﻡ
ﻳﺰﻳﺪﻭﺍ ﺍﻟﻬﻢ
ﻳﻘﻮﻟﻮﺍ ﻣﻘﺎﺳﻮ ﻃﺎﻟﻊ ﻛﻢ .. ﻭ ﻃﺎﻟﻊ ﻛﻢ
ﻭ ﺃﻧﺎ ﺍﻟﺴﺎﻛﺖ ﻭ ﻏﺎﻟﺒﻨﻲ
ﻭ ﻏﺎﻟﺒﻨﻲ
ﻣﺤﻞ ﻣﺎ ﺃﺷﻮﻓﻬﺎ ﺃﺗﻜﻠﻢ
ﻭ ﻣﺎ ﺑﺴﻠﻢ
ﻭ ﺣﺎﻛﻲ ﺍﻟﺒﻠﻲ ﻭ ﺍﻟﺸﻤﺒﺮ
ﻭ ﻛﺎﻥ ﻗﻤﺖ
ﺑﻘﻊ ﻓﻲ ﺍﻟﺴﻠﻢ ﺃﺗﻜﺴﺮ
ﻋﺸﺎﻥ ﺗﻈﻬﺮ
ﺗﻤﺮ ﺑﺴﺮﺍﻳﺮ ﺍﻟﻌﻨﺒﺮ
ﻭ ﺗﺎﺧﺪ ﻧﺒﻀﻲ ﺑﺎﻟﺮﺧﺘﺮ
ﻋﻴﻮﻧﻬﺎ ﺍﻟﺰﻱ ﻋﻴﻮﻧﻬﺎ ﺑﺮﺍﻫﺎ
ﺗﻄﻌﻦ ﺑﺎﻹﺑﺎﺭ ﻣﺮﺿﺎﻫﺎ
ﻭ ﺇﺑﺮﺓ ﺗﺮﻙ ﻭ ﻓﻲ ﻣﻨﺪﻳﻞ
ﻭﻣﺎ ﺑﺘﺘﻌﺐ
ﺗﻜﺮﻛﺐ ﻓﻲ ﺍﻟﺒﻼﻁ ﻛﺮﻛﺐ
ﻭﻗﻠﺒﻲ ﻳﺪﻕ ﻳﺴﻮ ﺭﺏ ﺭﺏ
ﻭ ﻧﺎﺭﻱ ﺍﻟﻠﻴﻠﺔ ﺗﺘﻌﻠﻖ
ﺩﺍ ﻋﻨﺒﺮ ﻛﻢ؟ ﻭ ﺷﺎﻳﻞ ﻛﻢ؟
ﺩﻛﺎﺗﺮﺗﻮ ﻛﻢ؟
ﻭ ﻓﺪ ﺳﺴﺘﺮ؟
ﺗﺠﻬﺠﻪ ﻓﻲ ﺧﻼﻳﻖ ﺍﻟﻠﻪ
ﻭ ﺃﻧﺎ ﺍﻟﻌﻴﺎﻥ
ﺣﻮﺍﺳﻲ ﺍﻟﻤﺎﺑﻴﺔ ﺗﺘﺪﻟﻰ
ﺃﺩﻭﺵ ﺩﻭﺷﺔ
ﺃﻫﻀﺮﺏ ﻫﻀﺮﺑﺔ ﺯﻭﻻ
ﺭﻗﺪ ﻓﻲ ﺑﺮﺵ
ﻭ ﺧﺖ ﺭﻭﻳﺴﻮ ﻓﻮﻕ ﺑﻨﺒﺮ
ﻭ ﻟﻤﺎ ﺍﻟﻨﺎﺱ ﺗﻘﻮﻝ ﻫﺴﺘﺮ
ﻭﺗﺘﻐﺎﻟﻂ .. ﺃﻇﻦ ﻫﺴﺘﺮ
ﺃﻇﻦ ﺩﻓﺘﺮ ..
ﺃﻇﻦ ﺑﺎﻣﻴﺔ .. ﺃﻇﻦ ﻛﺴﺘﺮ
ﺃﺩﻕ ﺍﻟﻄﺎﺭﺓ ﻭﺃﺗﺤﻜﺮ
ﺃﺩﻭﺑﻲ ﺃﺷﻜﺮ ﺍﻟﺴﺴﺘﺮ
ﺃﻭﺻﻒ ﻓﻲ ﺑﻨﺎﺕ ﺁﻭﻯ
ﻛﻀﺐ ﻛﺎﻥ ﻗﺎﻟﻮﺍ ﺑﺘﺪﺍﻭﻯ
ﻭ ﻓﺎﺿﻞ ﻓﻲ ﺍﻟﻤﺪﺍﻭﺍﺓ ﺍﻟﻜﻲ
ﻭ ﻣﺎ ﺃﻇﻦ ﺯﺍﺗﻮ ﻳﻨﻔﻊ ﻓﻲ
ﺃﺩﻭﺥ ﻛﻠﻤﺎ ﺍﻟﻌﻴﻮﻥ ﺗﺮﻣﺶ
ﻭ ﻟﻤﺎ ﺍﻟﺴﻠﺴﻠﺔ ﺗﻜﺸﻜﺶ
ﺃﺯﻭﻍ ﺃﺗﻀﺎﺭﻯ ﻓﻲ ﺍﻟﻜﻮﺭﻭﺩﻭﺭ
ﻭ ﺍﻟﺼﺎﻟﺔ ﺑﻘﺖ ﻧﻮﺭ
ﻭ ﺧﺎﺗﺔ ﺍﻟﻜﺎﺏ ﻋﻠﻰ ﺟﻨﺒﺔ
ﻭ ﺭﺍﺷﺔ ﺍﻟﺮﻳﺤﺔ ﻓﺎﻳﺤﺔ ﺯﻫﻮﺭ
ﺗﻤﻮﺕ ﻛﺮﻋﻲ ﺃﻗﻊ ﻭ ﺃﺯﺣﻒ
ﻭ ﺭﺍﺱ ﻃﺮﻃﻮﺭ
ﻋﺸﺎﻥ ﺃﺭﺗﺎﺡ
ﻋﻠﻴﻚ ﺍﻟﻠﻪ ﻭ ﻋﻠﻴﻚ ﺍﻟﻠﻪ
ﺗﻔﺠﺨﻲ ﺭﺍﺳﻲ ﺑﻰ ﺳﺎﻃﻮﺭ
&&&&&&&&&&&&&&&