شعر سودانے حلمنتيشے قالت ندي

ﻧـــــــﺪﻯ
ﻗﻠﺘﻲ ﻟﻲّ ﺳﻤﻮﻙ ﻧﺪﻯ !؟ !
ﻭﺩﻩ ﻣﻨﻮ ﺍﻟﺴﻤّﺎﻙ ﻧﺪﻯ؟
ﺩﻩ ﺃﻛﻴﺪ ﺃﺑﻮﻙ
ﺇﻧﻌﻞ ﻛِﺪﺓ !
ﻓﻴﻚ ﺷﻨﻮ ﻳﺴﻤّﻚ ﻧﺪﻯ !؟
ﻓﻲ ﺻﻮﺗﻚ ﺃﺗﺨﻦ ﻣﻨﻨﺎ
ﺇﺿﻨﻴﻦ ﻛُﺒﺎﺭ ﺯﻱ ﺩِﺷّﻨﺎ
ﻭﺗﻘﻮﻟﻲ ﻟﻲّ ﺳﻤّﺎﻙ ﻧﺪﻯ !
ﺧﺸﻤﻚ ﺩﻩ ﺭﻳﺤﺘﻮ ﻣﻌﻔّﻨﺔ
ﺍﻳﺪﻳﻦ ﻛﺒﺎﺭ ﺣﻘﺎﺕ ﺑُﻨﻰ
ﻭﺗﻘﻮﻟﻲ ﻟﻲ ﺳﻤّﺎﻙ ﻧﺪﻯ ! ؟
ﺍﻟﻤﺸﻴﺔ ﻛﺘّﺎﺣﺔ ﻭﻋﻼﻝ
ﻛﺮﺷﻚ ﺗﻘﻮﻝ ﺷﺎﻳﻞ ﺟَﻨﻰ
ﻭﺗﻘﻮﻟﻲ ﻟﻲ ﺳﻤّﺎﻙ ﻧﺪﻯ ! ؟
ﻗﺎﻟﺖ ﻟﻲ " ﻫﺎ ﻫﺪﻯ ﻓﻲ ﺍﻟﺒﻄﺎﻗﺔ ﺇﺳﻤﻲ ﻧﺪﻯ "
ﺷﻮﻑ ﻳﺎ ﺃﺥ ..
ﻣﺎﻓﻴﺶ ﻋﻼﻗﺔ ﺑﻴﻨﻚ ﻭﺑﻴﻦ ﻧﺪﻯ
ﺧﻠّﻴﻬﺎ ﻧﺪﻯ ..
ﺧﺎﻟﺖ ﻗﺮﻳﺒﺔ ﺟﺎﺭﺕ ﺻﺪﻳﻘﺔ ﻧﺎﺱ ﻧﺪﻯ
ﻣﺎ ﻓﻴﺶ ﻋﻼﻗﺔ
ﻧﺪﻯ ﻓﻲ ﺍﻟﻌﻴﻮﻥ ﺃﻛﺤﻞ ﻣﺠﻌّﺪ ﻣﺴﻮّﺩﺓ
ﺍﻧﺘﻲ ﺍﻟﻌﻴﻮﻥ ﻓﻮﻗﻦ ﻗﻀﻰ
ﻧﺪﻯ ﻓﻲ ﺍﻟﺤﻮﺍﺟﺐ ﺯﻱ ﻫﻼﻝ
ﻗﺼﺔ ﻧﺼﻮﻡ ﺩﻱ ﻣﺆﻛﺪﺓ !
ﺍﻧﺘﻲ ﺍﻟﺤﻮﺍﺟﺐ ﺩﻟﺠﺔ ﺑﺲ
ﻗﻠﻢ ﺍﻟﺤﻮﺍﺟﺐ ﻫﺎﺭﺩﻫﺎ
ﻭﺗﻘﻮﻟﻲ ﻟﻲ ﺳﻤّﺎﻙ ﻧﺪﻯ ! ؟
ﻧﺪﻯ ﺗﺒﺘﺴﻢ ﺁﻻﻻﻑ ﻣﺆﻟﻔﺔ ﺗﺴﻌﺪﻫﺎ
ﻭﺍﻧﺘﻲ ﺍﻟﺨﺸﻢ ﺷﺎﺭّﺓ ﺍﻟﺘﻼﻟﻴﺶ
ﺑﺲ ﻃﺒﻖ ﻭﻣﻐﻄّﻲ ﺻﻴﻨﻴﺔ ﺍﻟﻐﺪﺍ
ﻧﺪﻯ ﻓﻲ ﺍﻟﻮﺷﻴﺶ ﻧﻈﺮﻙ ﺑﺸﻴﺶ ..
ﻣﺎ ﻳﻌﻘّﺪﻫﺎ
ﻭﺍﻧﺘﻲ ﺍﻟﻮﺷﻴﺶ ﻭﺵ ﺍﻟﺠﺤﻴﺶ
ﻧﺨﺮﻳﻦ ﻛُﺒﺎﺭ ﻛُﺮﻋﻴﻦ ﺭﺩﺍ
ﻭﺗﻘﻮﻟﻲ ﺳﻤّﺎﻙ ﻧﺪﻯ !
ﻗﺎﺗﻠﻲ " ﺁﻱ ﺃﻧﺎ ﺇﺳﻤﻲ ﻧﺪﻯ"
ﺷﻮﻓﻲ ﺃﻭﻋﻚ ﺗﻘﻮﻟﻲ ﺍﺳﻤﻚ ﻧﺪﻯ
ﻧﺪﻯ ﻣﺎ ﺑﺲ ﺍﻻﺳﻢ
ﻧﺪﻯ ﺍﻟﺠﻤﺎﻝ ﺯﺍﻳﺪ ﺍﻷﺩﺏ ﺯﺍﻳﺪ ﺍﻟﻌﻠﻢ ﺯﺍﻳﺪ ﺍﻟﻔﻬﻢ
ﻧﺪﻯ ﻓﻲ ﺍﻟﺠﻤﺎﻝ ﻣﺎ ﺷُﻔﻨﺎ ﺃﺟﻤﻞ ﻣﻦ ﻛِﺪﻩ
ﻧﺪﻯ ﻓﻲ ﺍﻟﺪﻻﻝ ﺧﺼّﺎﻫﺎ ﺑﻴﻮ ﺭﺏ ﺍﻟﻌﺒﺎﺩ ﺣﻴﻦ ﺃﻭﺟﺪﻫﺎ
ﻧﺪﻯ ﻓﻲ ﺍﻷﺩﺏ ..
ﺭﺑّﻮﻫﺎ ﺑﻴﻮ ﺭﺟﺎﻝ ﻳﺎﻛﻠﻮ ﺍﻟﻨﺎﺭ ﻣﻮﻟّﻌﺔ ﻣﻮﻗﺪﺓ
ﻧﺪﻯ ﻓﻲ ﺍﻟﻜﻼﻡ
ﻃﺒﻴﻌﻲ ﺻﻮﺗﺎ ﺑﻴﺠﻴﺐ ﺻﺪﻯ
ﻧﺪﻯ ﻓﻲ " ﺍﻟﺒﺰﺍﻍ " ..
ﺷﺮﺑﺘﻲ "ﺳﻔﻦ ﺃﺏ " ﻳﺎﻫﻮ ﺩﻩ !
ﻭﺗﻘﻮﻟﻲ ﻟﻲ ﺳﻤّﺎﻙ ﻧﺪﻯ !
&&&&&&&&&&&&&&&&