ﺭﻫﻴﺐ ﺍﻟﻔﻮﻝ
ﻳﺎ ﺣﺒﻴﺐ ﺍﻟﺸﻌﺐ ﻳﺎ ﺇﻧﺘﺎﺝ ﺑﻼﺩﻱ
ﺍﻟﻠﻪ ﻣﺎ ﺃﺣﻼﻙ ﺑﺎﻟﺠﺒﻨﺔ ﻭﺍﻟﺰﺑﺎﺩﻱ
ﻓﻴﻚ ﺳﺤﺮ ﻏﻴﺮ ﻋﺎﺩﻱ
ﺇﻧﺖ ﺍﻟﻘﺪﺭ ﻭﺍﻟﺤﺒﻴﺐ
ﺭﻫﻴﺐ ﻭﺍﻟﻠﻪ ﺭﻫﻴﺐ
ﻓﻲ ﻣﻨﺎﺳﺒﺎﺗﻨﺎ ﺍﻟﻌﺪﻳﺪﺓ
ﺩﺍﻳﻤﺎ ﻣﺸﻜﻞ ﺣﻀﻮﺭ
ﻓﻲ ﺍﻟﺴﻤﺎﻳﺎﺕ ﻭﺍﻟﻤﺂﺗﻢ
ﻓﻲ ﺍﻟﻌﺮﺱ ﻭﺍﻟﻄﻬﻮﺭ
ﻳﺎ ﺍﻟﻜﻞ ﻳﻮﻡ ﻣﻌﺎﻧﺎ
ﻓﻲ ﺍﻟﻌﺸﺎ ﻭﺍﻟﻔﻄﻮﺭ
ﻋﻨﻚ ﻣﺎ ﺑﻨﺘﺨﻠﻰ
ﺇﻧﺖ ﺍﻟﻘﺴﻤﺔ ﻭﺍﻟﻨﺼﻴﺐ
ﺭﻫﻴﺐ ﻭﺍﻟﻠﻪ ﺭﻫﻴﺐ
ﻧﺤﻦ ﺍﻟﺒﻴﻚ ﻫﻤﻨﺎ
ﻭﺇﻧﺖ ﺳﺒﺐ ﺃﺫﺍﻧﺎ
ﻓﻲ ﺍﻟﺒﻴﺖ ﻭﺍﻟﻤﻄﺎﻋﻢ
ﺷﺎﻳﻠﻴﻦ ﺍﻟﺼﺤﺎﻧﺔ
ﻳﺎ ﺍﻟﺴﺎﻗﻴﻨﺎ ﻣﻮﻳﺔ
ﻓﻲ ﺍﻟﺸﺘﺎﺀ ﻭﺍﻟﺴﺨﺎﻧﺔ
ﻳﺎ ﻣﺴﻤﺎﺭ ﺑﻄﻨﻨﺎ
ﻳﺎ ﺃﺟﻤﻞ ﺣﺒﻴﺐ
*****
ﻳﺎ ﻭﺩ ﻋﻢ ﺍﻟﻔﺎﻟﻴﻮﻡ
ﻭﺟﻮﺩﻙ ﻣﻬﻢ ﻓﻲ ﺍﻟﺒﻴﺖ
ﻓﻲ ﻛﻞ ﺍﻟﻤﺤﺎﻓﻞ
ﺃﺻﺒﺤﺖ ﺫﺍﻳﻊ ﺍﻟﺼﻴﺖ
ﺍﻟﻠﻪ ﻣﺎ ﺃﺣﻼﻙ ﺑﺎﻟﺒﺼﻞ ﻭﺍﻟﺰﻳﺖ
ﻣﻦ ﻣﺎ ﻧﺎﻛﻠﻚ ﺇﻧﺖ
ﻧﻜﻮﺱ ﺍﻟﻌﻨﻘﺮﻳﺐ
*****
ﺭﻫﻴﺐ ﻭﺍﻟﻠﻪ ﺭﻫﻴﺐ
ﺃﺻﻠﻲ ﻭﻟﺪ ﺑﻠﺪﻧﺎ
ﻣﺎﺟﺎﺑﻮﻙ ﺑﺎﻟﻤﻄﺎﺭ
ﻓﻴﻚ ﻓﻴﺘﺎﻣﻴﻦ ﻣﻐﺬﻱ
ﺯﻱ ﺍﻟﺴﻤﻚ ﻭﺍﻟﺨﻀﺎﺭ
ﻭﺣﺎﺗﻚ ﺇﻧﺖ ﻃﺎﻋﻢ
ﻟﻮ ﺑﺎﻟﻤﻠﺢ ﻭﺍﻟﺸﻤﺎﺭ
ﺇﻥ ﺷﺎﺀ ﺍﻟﻠﻪ ﺗﻜﻮﻥ ﻓﻄﻮﺭﻧﺎ
ﻓﻲ ﺍﻟﺠﻨﺔ ﺃﻡ ﻫﻤﺒﺮﻳﺐ
ﺭﻫﻴﺐ ﻭﺍﻟﻠﻪ ﺭﻫﻴﺐ
*****
ﻳﺎ ﺍﻟﻨﺒﺘﺔ ﺍﻟﻌﺠﻴﺒﺔ
ﻭﺻﻔﻚ ﺗﻌﺪﻯ ﺍﻟﺨﻴﺎﻝ
ﺑﺘﻘﻮﻡ ﻓﻲ ﺃﻱ ﺣﺘﺔ
ﻓﻲ ﺍﻟﺮﻣﺎﻝ ﻭﺍﻟﺠﺒﺎﻝ
ﻭﺇﻧﺖ ﺳﺒﺐ ﺍﻟﻬﺰﺍﺋﻢ
ﻟﻠﻤﺮﻳﺦ ﻭﺍﻟﻬﻼﻝ
ﺩﻳﻞ ﺭﺍﻗﺪﻳﻦ ﺟﻨﺎﻳﺰ
ﻧﺎﻗﺼﻢ ﺍﻟﻨﺤﻴﺐ
&&&&&&&&&&&&&&&&&