شعر سوداني حلمنتيشي الزمن الضائع

ﺍﻟﺰﻣﻦ ﺍﻟﻀﺎﺋﻊ
ﻣﺘﻴﻦ ﻳﺎ ﺍﻟﻠﻪ ﺃﻟﻢ ﺍﻟﻔﻜﻪ
ﺃﺟﻴﺐ ﺍﻟﺸﻴﻠﺔ ﻭﺍﺳﻮﻱ ﺍﻟﺸﺒﻜﻪ
ﻭﺃﻣﻲ ﺗﺰﻏﺮﺩ ﺑﻲ ﻃﻮﻝ ﺻﻮﺗﻬﺎ
ﻭﺃﻧﺎ ﻣﺒﺴﻮﻁ ﻭﻇﺎﺑﻂ ﺍﻟﺸﻜﺔ
ﻫﺪﻭﻣﻲ ﻣﻌﻄﻨﺔ ﺑﺎﻷﺭﻳﺎﺡ
ﺭﻳﺤﺔ ﺍﻟﺨﻤﺮﺓ ﻭﺭﻳﺤﺔ ﺍﻟﺪﻟﻜﺔ
ﻭﺍﻃﺒﻊ ﻟﻠﻌﻴﺰﻭﻣﺔ ﻛﺮﻭﺕ
ﺣﺎﺷﺎﻫﺎ ﺍﻟﻤﺎ ﺯﻱ ﻛﺮﺕ ﺍﻟﺒﻨﺰﻳﻦ
ﺟﻤﻴﻠﻪ ﺯﺍﻫﻴﺔ ﻓﻲ ﻭﺭﻕ ﺍﻟﺘﻮﺕ
ﻭﺗﺤﺖ ﺍﻹﻣﻀﺎﺀ ﻣﺸﻜﻮﺭﻳﻦ
ﻷﻧﻬﺎ ﻟﺤﻈﺔ ﻣﺎ ﺑﺘﻔﻮﺕ
ﻭﺇﻻ ﺗﻜﻮﻧﻮﺍ ﻣﺒﺴﻮﻃﻴﻦ
ﻭﻳﺠﻮﺍ ﺍﻷﻭﻻﺩ ﺑﻮﺟﻮﻫﺎً ﻧﺎﺩﻳﺔ
ﻳﻘﺸﻮﺍ ﺍﻟﻔﺴﺤﺔ ﺍﻟﻮﺍﺳﻌﺔ ﻭﻫﺎﺩﻳﺔ
ﻧﺮًﻛﺐ ﻓﻴﻬﺎ ﺍﻟﺼﻴﻮﻧﺎﺕ
ﻭﻧﻌﻤﻞ ﺣﻔﻠﺔ ﺑﻮﺩ ﺍﻟﺒﺎﺩﻳﺔ
ﻭﻻﺯﻣﻦ ﺣﻔﻠﺔ ﺗﻜﻮﻥ ﺻﺒﺎﺣﻲ
ﺃﺷﻔﻲ ﻏﻠﻴﻠﻲ ﻭﺃﺩﺍﻭﻱ ﺟﺮﺍﺣﻲ
ﻣﻦ ﺯﻣﻦ ﺍﻟﻌﺬﺍﺑﺔ ﺍﻷﻏﺒﺮ
ﺍﻟﺴًﻮﺩ ﻋﻴﺸﺘﻲ ﻭﺯﺍﺩ ﻟﻨﻮﺍﺣﻲ
ﺃﻓﻚ ﺍﻟﻘﻴﺪ ﻣﻦ ﻗﻠﺒﻲ ﻭﺃﻏﻨﻲ
ﺣﺒﻴﺐ ﺍﻟﺮﻭﺡ ﻭﻏﻨﻲ ﻳﺎ ﺻﺎﺣﻲ
ﻭﻓﻲ ﺍﻟﻌﺼﺮﻳﺔ ﻧﻤﺮﻕ ﺳﻴﺮﺓ
ﺧﻠﻮﻕ ﻣﻨﺘﻈﻤﺔ ﻣﺎﺷﺔ ﻣﺴﻴﺮﺓ
ﺯﻱ ﺻﻒ ﺩﻛﺎﻧﺄً ﻧﺎﺻﻴﺔ
ﻓﻴﻪ ﺳﺠﺎﻳﺮ ﺑﺎﻟﺘﺴﻌﻴﺮﺓ
ﺑﻨﺎﺗﻨﺎ ﻳﻐﻨﻦ ﻣﺒﺴﻮﻃﺎﺕ
ﺩﻭﺭ ﺑﻴﻨﺎ ﺍﻟﺒﻠﺪ ﺩﻩ
ﻳﻠﻔﻦ ﻳﺪﻭﺭﻥ ﺍﻟﻌﺮﺑﺎﺕ
ﻭﻟﻤﻦ ﺃﺻﻞ ﺑﺎﻟﺴﻴﻒ ﺍﺗﻘﺪﻡ
ﺯﻱ ﺍﻟﻔﺎﺭﺱ ﻣﺎﺷﻲ ﻣﻠﺠﻢ
ﻭﺷﻲ ﺑﻴﻨﻀﺢ ﻟﻤﻌﻪ ﻭﻧﻀﺮﺓ
ﻗﻤﻴﺼﻲ ﻧﻀﻴﻒ ﻭﻣﺎﻩ ﻣﺠﻠﺒﻂ
ﺑﻤﻼﺡ ﺧﺪﺭﻩ
ﺃﻫﺰ ﻓﻲ ﺍﻟﺒﻨﻮﺕ ﺑﻲ ﺳﻴﻔﻲ
ﻭﺍﺑﺨﺒﺦ ﻓﻴﻬﻦ ﻟﺒﻦ ﺍﻟﺒﺪﺭﺓ
ﻭﻓﺠﺄﺓ ﻳﺪﻕ ﺻﻮﺕ ﺍﻟﺪﻟﻮﻛﺔ
ﻭﺗﺒﻘﻰ ﺍﻟﻨﺎﺱ ﺑﺎﻟﺠﺪ ﻣﺮﺑﻮﻛﺔ
ﻭﺍﺣﺪﺓ ﺗﺼﻔﻖ ﻭﺍﺣﺪﺓ ﺗﺰﻏﺮﺩ
ﻭﻭﺍﺣﺪﺓﺗﻠﻮﻙ ﻓﻲ ﻟﺒﺎﻥ ﺑﺎﺯﻭﻛﺔ
ﺟﺎﺑﻮﺍ ﻋﺮﻭﺳﻲ ﻭﺑﺪﺕ ﺍﻟﻮﻗﻔﺔ
ﺳﺮﺣﺖ ﺑﻌﻴﺪ ﻓﻲ ﺣﻖ ﺍﻟﻘﻔﺔ
ﺟﺎﺑﺖ ﻗﻮﻥ ﺑﻲ ﺭﻗﺔ ﻭﺧﻔﺔ
ﻣﺎ ﺍﺗﺠﺮﺳﺖ ﻛﻼ ﻭﺣﺎﺷﺎ
ﺍﻻ ﻫﻨﺎﻙ ﻭﺍﻗﻔﻴﻦ ﺷﻤﺎﺷﺔ
ﻗﺎﻟﻮﺍ ﺍﻛﻴﺪ ﺷﺎﺭﺏ ﺣﺮﺑﺎﺷﺔ
ﺯﻋﻠﺖ ﺷﺪﻳﺪ ﻭﻏﻠﺒﻨﻲ ﺍﻟﻠﻌﺐ
ﻻﻧﻮ ﻛﻼﻣﻦ ﻛﻠﻮ ﻛﻀﺐ
ﻗﺎﻣﻮﺍ ﺍﺻﺤﺎﺑﻲ ﺑﺼﻮﺕ ﻋﺎﻟﻲ
ﻳﺎ ﻋﺒﺪ ﺍﻟﻠﻪ ﺍﻃﻠﻊ ﺑﺮﻩ ﺇﺷﺎﻋﺔ ﺇﺷﺎﻋﺔ
ﻭﺣﺘﻤﺎً ﻳﻮﻡ ﻟﻲ ﺃﻣﻚ ﻋﺎﻳﺪ
ﻗﻮﻧﻬﺎ ﺣﻘﻴﻘﻲ ﻣﺎ ﺍﻭﻑ ﺻﺎﻳﺪ
ﺻﻮﺕ ﺃﺻﺤﺎﺑﻲ ﺃﺛﺮ ﻓﻮﻗﻲ
ﺑﺤﺮﻛﺔ ﺫﻛﻴﺔ ﺟﺒﺖ ﺍﻟﻘﻮﻥ
ﻭﺍﻧﺎ ﻭﺍﻟﺤﻠﻮﺓ ﺑﻘﻴﻨﺎ ﺩﺭﻭﻥ
ﻭﻓﺠﺄﺓ ﺃﺿﻔﺖ ﺍﻟﻬﺪﻑ ﺍﻟﺜﺎﻧﻲ
ﻭﻏﻤﺮ ﺍﻟﺴﺎﺣﺔ ﻓﺮﺡ ﺭﺑﺎﻧﻲ
ﻣﺮﻗﻮﺍ ﺍﺻﺤﺎﺑﻲ ﻳﻜﻮﺭﻛﻮﺍ ﻭﻳﻬﺘﻔﻮﺍ
ﻓﺎﺗﻮﺍ ﺍﻟﻔﺴﺤﺔ ﻭﺳﺪﻭﺍ ﺍﻟﺸﺎﺭﻉ
ﺻﻮﺗﻬﻢ ﻃﺎﻏﻲ ﻇﺎﻫﺮ ﻭﻃﺎﻟﻊ
ﻳﺎ ﻋﺒﺪ ﺍﻟﻠﻪ ﻫﺎﻳﻞ ﻭﺭﺍﻳﻊ
ﺟﺒﺖ ﺍﻟﻘﻮﻥ ﻓﻲ ﺍﻟﺰﻣﻦ ﺍﻟﻀﺎﻳﻊ
&&&&&&&&&&&&&&&&&&&&&&