ﻣﺎﻧﺪﻳﻼ
ﻗﺎﻟﺖ ﻟﻴﻬﻮ : ﻣﺎ ﻟﻚ ﺑﺘﺎﻛﻞ ﺍﻟﺴﻨﺪﻭﻳﺘﺶ ﺣﻔﺎﺭ ﺣﻔﺎﺭ
ﺍﻧﺖ ﻓﺎﺭ؟؟
ﻗﺎﻝ ﻟﻴﻬﺎ :ﺑﻘﻴﺖ ﻣﺠﻨﻮﻥ ﺑﻘﻴﺖ ﻣﺤﺘﺎﺭ ﺑﻌﺪ ﻣﺎ ﺯﻭﻝ
ﻃﻮﻳﻞ ﻋﺮﻳﺾ
ﺍﻧﺎ ﻓﺎﺭ؟؟؟؟
ﻳﺎ ﺍﺣﻠﻰ ﻛﺪﻳﺴﻪ ﻓﻲ ﺍﻟﺪﻧﻴﺎ
ﻋﻠﻴﻚ ﺭﺑﻚ ﺗﺒﻠﻌﻴﻨﻲ
ﻭﻣﺎﺗﻔﻀﻠﻲ ﺷﻲ ..ﻭﻛﺎﻥ ﺩﻩ ﺣﺼﻞ ﺑﻜﻮﻥ ﻳﺎ ﺑُﺮّﻩ
ﺍﺳﻌﺪ ﻓﺎﺭ
ﻭﺍﻧﻄﻂ ﺟﻮﻩ ﻓﻲ ﺑﻄﻨﻚ ﻭﺍﻧﻐﺺ ﻓﻴﻬﺎ ﻟﻼﺳﺮﺍﺭ
ﻭﺍﻗﻴﻒ ﺍﺗـﺄﻣﻞ ﺍﻟﻜﺒﺪﻩ ﻭﺍﻟﻄﻮﺣﺎﻝ ..ﺗﻘﻮﻝ ﺭﺍﺩﺍﺭ
ﻭﺍﺧﺰﻥ ﺟﻮﻩ ﻓﻲ ﺍﻟﻤﻌﺪﻩ
ﻭﺍﻓﺘﺶ ﻟﻲ ﻟﻜﺴﺮﻩ ﻣﺎ ﺍﻟﻘﻰ
ﻭﺍﻗﺒﻞ ﺟﺎﻱ ﺩﻩ ﻫﻤﺒﺮﻏﺮ
ﻭﻛﻤﺎﻥ ﺑﻲ ﺟﺎﻱ ﺟﻠﻲ ﻭﻛﺎﺳﺘﺮ
ﻭﻛﻤﺎﻥ ﺑﻬﻨﺎﻙ ﻋﺼﻴﺮ ﻣﺎﻧﺠﺎ ..
ﻭﻛﻤﺎﻥ ﺍﺻﻔــــــــــــــــــــــــــﺮ
ﻣﺼﺎﺭﻳﻨﻬﺎ ﻣﺴﺘّﻔﻪ ﺑﻲ ﻋﺴﻞ ﺳﻜﺮ
ﻣﺶ ﺯﻱ ﻣﺼﺎﺭﻳﻦ ﺍﻟﺴﻤﺎﻧﻲ ﻣﻠﻔﻠﻔﻪ ﺯﻱ ﺣﺒﺎﻝ ﺑﻤﺒﺮ ..
ﻭﺍﻃﻴﺮ ﻟﻴﻚ ﻓﻮ ﻭﻓﻲ ﺍﻟﻔﺸﻔﺎﺵ ﺍﺗﺤﻜﺮ
ﻭﺍﻧﻂ ﻃﻮﺍﻟﻲ ﺟﻨﺐ ﻗﻠﺒﻚ ﻭﺍﺷﻮﻑ ﺍﻟﺪﻡ ﻫﺪﺍﻙ
ﺍﺣﻤـــــــــــﺮ ..
ﺍﺑﺤﻠﻖ ﺟﻮﻩ ﻓﻲ ﺑﻄﻨﻚ ﺍﻋﺎﻳﻦ ﺍﻟﻘﻰ ﺻﻮﺭﺗﻲ ﺍﻧﺎ ..؟؟
ﺻﻮﺭﺓ ﺍﻟﻔﺎﺭ !!
ﺍﻫﺎ ﻳﺎ ﻋﺎﻟﻢ ﺩﻩ ﻣﺎ ﺳﺒﺐ ﺍﻟﺒﻠﻊ ﺯﺍﺗﻮ
ﺍﻗﻮﻝ ﻳﺎ ﺑﺮﻩ ﺧﺎﺭﺟﻴﻨﻲ .. ﺗﻘﻮﻝ ﻟﻲ ﻧﻴﺎﻭ
ﻋﻠﻴﻚ ﺭﺑﻚ ﺗﺨﺎﺭﺟﻴﻨﻲ ..ﺗﻘﻮﻝ ﻟﻲ ﻧﻴﺎﻭ
ﺑﺤﺒﻚ ﻳﺎﺧﻲ ﺧﺎﺭﺟﻴﻨﻲ ..ﺗﻘﻮﻝ ﻟﻲ ﻧﻴﺎﻭ
ﻭﺗﺘﻮﻛﻞ ﺗﺘﻄﻠﻌﻨﻲ ﻣﻦ ﺍﺟﻤﻞ ﻓﻴﻼ ﻭﺍﺣﻠﻰ ﺳﺠﻦ
ﻳﻤﻴﻦ ﻣﻦ ﺟﻮﻩ ﻓﻴﻬﺎ ﺑﻄﻦ ...ﻣﻔﺮﻫﺪﻩ ﺯﻱ ﺯﻫﻮﺭ ﺍﻟﻔﻞ
ﺑﺘﻌﻤﻞ ﻧﻜﻬﺔ ﺍﻟﻨﻌﻨﺎﻉ ﻣﻄﻌﻤﻪ ﺑﻲ ﻃﻌﻢ ﻟﻴﺒﺘﻮﻥ
ﻭﻓﻴﻬﺎ ﻧﺴﻴﻢ ﻳﺠﻴﻚ
ﺑــــــــــــــــــــــــــــﺎﺭﺩ .. ﻣﻜﻨﺪﺷﻪ ﺑﺲ
ﺗﻘﻮﻝ
ﻫﻴﻠﺘﻮﻥ
ﺩﻩ ﻣﻦ ﺟﻮﻩ ..
ﻭﻣﻦ ﺑﺮﻩ
ﺗﺤﻠﻒ ﺑﺲ ﺗﻘﻮﻝ ﻳﺎﺯﻭﻝ ﻭﺍﺣﺪ ﺷﻞ ﻟﻴﻬﻮ ﺣﺒﻞ ﻭﺭﺑﻄﻪ
ﻭﻓﻲ ﺍﻟﻘﻤﺮ ﺟﺮﻩ
ﻭﻟﻤﺎ ﺗﺠﻲ ﻭﻫﻨﺎﻙ ﺗﻘﻌﺪ
ﺗﻘﻮﻡ ﻣﻦ ﺗﺎﻧﻲ ﺗﻨﻔﺮﻩ
ﻭﺍﺷﻮﻑ ﺍﻟﺨﺎﺷﻲ ﻣﺎﺷﻲ ﺑﺮﻩ
ﻭﺍﺣﺲ ﺑﻲ ﻗﻠﺒﻲ ﻓﺮّ ﻓﺮّ
ﺳﺠﻨﺘﻴﻨﻲ ﻭﺟﺎﺭﻱ ﻭﺭﺍﻙ ﻣﺎﺑﻨﺴﺎﻙ ﻭﻣﺎ ﺑﺘﺨﻠّﻰ
ﺣﺘﻰ ﻟﻮ ﺍﻟﺰﻣﻦ ﻋﺎﻧﺪ
ﺣﺘﻰ ﻟﻮ ﺍﻟﺴﻬﻢ ﺟﻠّﻰ
ﺑﻤﻮﺕ ﻓﻴﻚ ﻣﻮﺕ
ﻻﻧﻚ ﺍﻧﺖ
ﺍﻓﺮﻳﻘﻴﺎ
ﻭﺍﻧﺎ ﺍﻟﺒﻬﻮﺍﻙ .... ﻣﺎﻧﺪﻳﻼ