شعر سوداني حلمنتيشي مومو

ﻣﻮﻣﻮ
ﺍﻟﻘﻠﻴﺐ ﻣﺎ ﻗﺎﺩﺭ ﺍﻟﻤﻮ
ﺍﺻﻠﻮ ﻣﺠﺮﻭﺡ ﺟﺎﺭﻱ ﺩﻣﻮ
ﺿﺮﺑﻮ ﺯﺍﻳﺪ .. ﻗﺎﺳﻰ ﻫﻤﻮ
ﻗﺎﻟﻮ ﺳﺒﺐ ﺍﻟﺮﺟﻔﺔ ﻭﺍﻟﻤﻮﺕ
ﺍﻟﺤﻠﻴﻮ ﺍﻷﺳﻤﻮ ﻣﻤﻮ
ﻭﺍﺻﻠﻮ ﻣﻤﻮ ..
ﻛﻤﻮ ﻛﻄﻮ
ﻭﻛﻄﻮ ﻛﻤﻮ ..
ﺍﺑﻮﻫﺎ ﺑﺎﺑﻲ
ﻣﺎﻣﻲ ﺍﻣﻮ ..
ﻣﻦ ﺍﻟﺠﻤﺎﻋﻪ ﺍﻟﻜﻞ ﻳﻮﻡ
ﻗﺎﻋﺪ ﺍﺳﺘﺤﻤﻮ
ﻭﺍﻟﻌﻄﺮ ﺧﻤﺴﻴﻦ ﻣﺘﺮ
ﺣﺮﻡ ﺗﺸﻤﻮ
ﻭﻟﻤﺎ ﺗﻘﺪﻝ ﺑﺲ ﺗﻘﻮﻝ
ﺗﻘﻠﻊ ﺗﺮﺍﺑﺎ ﺍﻟﺘﻤﺸﻲ ﻓﻴﻬﻮ
ﻋﺪﻳﻞ ﺗﺨﻤﻮ
ﻃﺒﻌﻮ ﺭﻗﻪ
ﻟﻮﻧﻮ ﻣﻨﻘﻪ
ﻓﻲ ﺍﻭﺭﺑﺎ ﻣﺎﺭﺍﺩﻭﻧﺎ
ﻭﻓﻲ ﺑﻠﺪﻧﺎ ﻣﺎﻓﻲ ﺯﻳﻮ
ﺍﻻ ﺗﻨﻘﺎ
ﻭﺍﺻﻠﻰ ﻣﻤﺎ ﺷﻔﺖ ﻣﻤﻮ
ﻗﻠﺖ ﻳﺎ ﻧﺎﺱ ﺩﻱ ﺍﻟﻤﻼﺋﻜﻪ؟
ﻭﻻ ﺧﻠﻘﻪ ..؟
ﻗﺎﻟﻮﺍ ﺧﻠﻘﻪ
ﻗﻠﺖ ﺍﻧﻮ .. ﻣﺎ ﺍﻇﻨﻮ
ﻭﺍﺻﻠﻲ ﻣﻦ ﻣﺎ ﺷﻔﺖ ﻣﻤﻮ
ﻋﻘﻠﻰ ﻓﺮ ﻭﻗﻠﺒﻲ ﺩﻗﻪ
ﻭﺑﻨﻄﻠﻮﻥ ﺍﻟﺠﻨﻴﺰ ﻃﻘﻪ
ﺍﻱ ﻋﺠﻮﺭ ﺿﻘﺘﻮ ﺑﻌﺪﻭ
ﻟﻘﻴﺘﻮ ﻣﻨﻘﻪ
ﺑﺎﻛﻮ ﺍﻟﺴﺠﺎﻳﺮ ﺟﻮﻩ ﺟﻴﺒﻲ
ﻟﻘﻴﺘﻮ ﺣﻘﻪ
ﺍﻟﻔﻨﻴﻠﻪ ﺍﻟﻠﻮﻧﺎ ﺍﺑﻴﺾ
ﻓﺠﺄﻩ ﺟﻴﺖ
ﻭﻟﻘﻴﺘﺎ ﺯﺭﻗﺎﺀ
ﻳﺎ ﺭﻳﺘﻨﻲ ﻟﻮ ﻣﻦ ﻣﻮﻳﺘﻮ
ﺍﻟﻘﻲ ﻟﻴﺎ ﺑﻘﻪ
ﺍﻥ ﺷﺎﺀ ﺍﻟﻠﻪ ﺣﺘﻲ
ﻟﻮ ﻓﻴﻬﺎ ﺷﺮﻗﻪ
ﻳﺎ ﺭﻳﺘﻨﻲ ﻟﻮ ﻓﻲ ﺑﺤﺮﻭ
ﺍﻟﻘﻲ ﻟﻴﺎ ﻏﺮﻗﻪ
ﻛﻨﺖ ﺑﻐﻄﺲ
ﻭﻣﺎ ﺑﺪﻭﺭ ﻟﻲ ﺗﺎﻧﻲ ﻣﺮﻗﻪ
ﺗﺎﻧﻲ ﺍﻣﺮﻕ .. ؟
ﻭﻳﻦ ﺍﻗﺒﻞ ..؟ ﻟﻠﺒﻌﺎﻋﻴﺖ؟
ﻋﻠﻴﻜﻢ ﺍﻟﻠﻪ ﺩﻳﺎ ﺧﻠﻘﻪ؟
ﻣﻤﻮ ﻳﺎ ﻧﺎﺱ ﻣﺎ ﺍﺫﺍﻧﺎ
ﺑﻰ ﺧﺪﻭﺩﻭ ﺍﻟﺒﺮﺗﻜﺎﻧﻪ
ﻣﻤﻮ ﻳﺎ ﻋﺎﻟﻢ ﺟﻤﺎﻧﻪ
ﻻ ﺍﻛﻞ ﻳﻮﻡ ﺯﻱ ﻋﺸﺎﻧﺎ
ﻛﺴﺮﻩ ﺑﻰ ﻟﺒﻦ ﺍﻟﺒﻄﺎﻧﻪ
ﻭﻻ ﺷﺮﺏ ﻣﻦ ﺯﻳﺮ ﻣﻐﺒﺮ
ﺯﻱ ﻓﻼﻧﻪ ﻭﻓﺮﺗﻜﺎﻧﻪ
ﻣﻤﻮ ﻣﺎ ﻓﻴﺶ ﻣﻨﻮ ﺍﺗﻨﻴﻦ
ﻫﻤﺎ ﻣﺨﻠﻮﻗﻴﻦ ﺑﺮﺍﻫﻢ
ﻭﻧﺤﻦ ﻣﺨﻠﻮﻗﻴﻦ ﺑﺮﺍﻧﺎ
ﺍﻟﻔﺮﻕ
ﻧﺤﻦ ﺑﻨﻌﻮﺱ ﻛﺴﺮﻩ ﻓﻲ ﺍﻟﺼﺎﺝ
ﻭﻫﻢ ﺭﻏﻴﻔﻦ
ﺑﺸﺘﺮﻭﻩ ﻣﻦ ﺍﺟﺰﺧﺎﻧﻪ
ﺍﻟﻔﺮﻕ
ﻫﻤﺎ ﺑﻤﺸﻮﺍ ﻋﺪﻳﻞ ﺍﻓﻮﺗﻮ
ﻭﻧﺤﻦ ﻧﺘﺮﺟﻲ ﺍﻟﺒﻜﺎﺳﻲ
ﻭﻳﻮﻣﻲ ﻧﺘﻠﻔﺖ ﻭﺭﺍﻧﺎ
ﺍﻟﻔﺮﻕ ...
ﻫﻢ ﻋﻨﺪﻫﻢ ﺗﻮﻟﻴﺖ ﻣﻜﻨﺪﺵ
ﻭﻧﺤﻦ ﻋﻨﺪﻧﺎ ﺃﺃﺁﻧﺎ
ﻣﻤﻮ ﺣﻨﻲ ﻋﻠﻴﻜﻲ ﺑﺎﺑﺎ
ﺗﻌﺎﻟﻲ ﻧﻌﻤﻞ ﺣﺒﻜﺎﻧﻪ
ﺍﻣﻜﻦ ﺍﺗﻌﻠﻢ
ﺍﺣﺐ ﻧﺎﺱ ﻫﺎﻱ ﺍﺭﻭﻕ
ﺑﺪﻟﻪ ﻓﺎﺧﺮﻩ ﻭﺍﺳﺘﻜﺎﻧﻪ
ﻏﺎﻳﺘﻮ ﺣﺎﻗﻮﻟﻴﻚ ﺣﺎﻟﻲ
ﻛﺎﻥ ﻧﻔﻊ ﻗﻮﻟﻰ ﺍﻭﻛﻲ
ﻣﺎ ﻧﻔﻌﺖ ..
ﻗﻮﻟﻲ ﻣﺎ ﻧﺎﻓﻊ ﻣﻌﺎﻧﺎ
ﻋﻨﺪﻱ ﺷﺪﻩ
ﻭﺑﻨﻄﻠﻮﻥ ﻭﺍﺣﺪ ﻣﺮﻗﻊ
ﺣﺎﻟﻮ ﺣﺎﻟﻨﺎ ﻭﻣﺴﺘﻮﺍﻧﺎ
ﺍﺑﻮﻱ ﻣﺰﺍﺭﻉ
ﺍﺣﻔﺮ ﺍﻟﻄﻴﻦ ﺑﺎﻟﻄﻮﺍﺭﻯ
ﻋﺮﻗﻮ ﻧﺎﺯﻝ
ﻓﻲ ﻫﺠﻴﺮ ﺍﻟﺪﻧﻴﺎ
ﻓﻲ ﺍﻟﺼﻴﻒ ﻭﺍﻟﺴﺨﺎﻧﻪ
ﺷﺎﻥ ﺍﻟﻘﻂ ﻟﻘﻤﻪ .. ﻟﻘﻤﻪ
ﺷﺎﻥ ﺍﺗﻤﺘﻢ ﻟﻲ ..ﻋﺸﺎﻧﺎ
ﺷﺎﻥ ﺇﺷﻮﻓﻨﺎ
ﺑﻨﻘﺮﺃ ﻧﺘﻌﻠﻢ ﺑﺮﺍﻧﺎ
ﻋﻤﻲ ﺗﺮﺯﻯ ...ﻭﻛﺎﻥ ﺗﻤﺮﺟﻲ
ﻭﻻﺩﻭ ﺩﺳﺘﻪ
ﻭﻛﻠﻬﻢ ﺳﺎﻛﻨﻴﻦ ﻣﻌﺎﻧﺎ
ﻣﻤﻮ ﻳﺎ ﺍﻟﺠﻮ ﺍﻟﻤﻜﻨﺪﺵ
ﺷﻮﻓﻲ ﻛﺘﺎﺣﻪ ﻫﻮﺍﻧﺎ
ﻭﺍﺻﻠﻲ ﻋﺎﺭﻑ
ﺑﻜﺮﻩ ﺍﻇﻬﺮ ﻣﻐﺘﺮﺏ
ﻧﺄﻛﻞ ﺍﻟﻨﻴﻢ ﻭﺍﻟﺰﻟﻂ
ﻭﺍﻧﺘﻮ ﺑﺘﻠﻮﻛﻮﺍ ﺍﻟﻠﺒﺎﻧﻪ
ﻭﻧﺤﻦ ﺑﻨﻜﺎﺑﺪ ﻧﺠﺎﺑﺪ
ﻭﻧﺒﻘﻲ ﻓﻲ ﺍﻷﺧﺮ ﺿﺤﻴﻪ
ﺍﻟﺸﻮﺍﻛﻴﺶ ﻛﻊ ..ﻛﺮﻉ
ﺍﺗﻘﻮﻝ ﺑﺲ ﺑﻨﺪﻗﻴﻪ
ﻭﺍﻟﻤﺂﺳﻰ ﺍﻟﻔﻲ ﺟﻮﺍﻧﺎ
ﻛﻞ ﻳﻮﻡ ﺑﺘﺰﻳﺪ ﺷﻮﻳﻪ
ﺍﻻ ﺑﺲ ﺍﺻﺒﺢ ﻋﺰﺍﻧﺎ
ﻃﻴﺒﻪ ﺍﻟﻘﻠﺐ ﺍﻟﺒﻴﻨﺰﻑ
ﻭﻛﺘﻴﻦ ﺍﻟﻨﺎﺱ ﺍﻟﺒﺘﺸﺤﺪ
ﻭﻛﻞ ﺍﻃﻔﺎﻝ ﺍﻟﺘﺸﺮﺩ
ﻟﻤﺎ ﺍﻣﺸﻮﺍ ﻋﺸﺎﻥ ﺍﺭﻗﺪﻭﺍ
ﻳﻨﻮﻣﻮﺍ ﻓﻲ ﻧﺺ ﺍﻟﺸﻮﺍﺭﻉ
ﻳﻌﻨﻲ ﻣﺎ ﻳﻠﻘﻮﺍ ﺍﻟﻤﻜﺎﻧﻪ
ﺍﻻ ﺑﺲ ﺍﺻﺒﺢ ﻋﺰﺍﻧﺎ
ﻃﻴﺒﻪ ﺍﺧﻼﺻﻨﺎ ﻭﻭﻓﺎﻧﺎ
ﻭﻛﺘﻴﻦ ﺍﻭﻻﺩ ﺍﻟﻤﺪﺍﺭﺱ
ﻳﻮﺕ ﺍﺩﺍﻓﺮﻭﺍ .. ﻓﻲ ﻃﺮﻳﻘﻬﻢ
ﺷﺎﻥ ﺍﻛﺘﺒﻮﺍ ﺍﻟﺤﺼﻪ
ﻓﻲ ﺣﻴﻨﺎ ﻭﺯﻣﺎﻧﺎ
ﺍﻻ ﺑﺲ ﺍﺻﺒﺢ ﻋﺰﺍﻧﺎ
ﺣﺐ ﺑﻠﺪﻧﺎ
ﻣﻨﺒﺖ ﺍﻟﺨﻴﺮ ﻭﺍﻟﻮﺩﺍﻋﻪ
ﺭﻳﺤﻪ ﺍﻟﻄﻴﻦ ﻭﺍﻟﺰﺭﺍﻋﻪ
ﺣﺐ ﺗﻘﺎﻟﻴﺪﻧﺎ ﻭﻃﺒﺎﻋﻪ
ﻭﻓﻮﻗﺎ ﻣﺎ ﺑﻨﺮﺿﻲ ﺍﻷﻫﺎﻧﻪ
ﺍﻟﻮﺩﺍﻋﻴﺔ
ﺟﻠﺴﺖ ﻓﻲ ﻇﻞ ﺍﻟﻨﻴﻤﺔ
ﺗﺘﺄﻣﻞ ﻓﻲ ﺍﻟﻮﺩﻉ ﺍﻟﻤﺮﺻﻮﺹ
ﻗﺎﻟﺖ ﻳﺎ ﻭﻟﺪﻱ ﺷﻴﻞ ﺷﻴﻠﺘﻚ
ﻭﺗﺴﻠﺢ ﻓﺎﻟﺤﺮﺏ ﺿﺮﻭﺱ
ﺍﻣﺎﻣﻚ ﻣﺸﻮﺍﺭ ﻃﻮﻳﻞ
ﺍﻻ ﺍﻥ ﺗﺮﻛﺐ ﻣﺨﺼﻮﺹ
ﺍﻟﻤﻮﻗﻒ ﻣﻜﺘﻆ ﻣﻠﻴﺎﻥ
ﺳﺘﺪﺍﻓﺮ ﻳﺎ ﻭﻟﺪﻱ ﻛﺜﻴﺮﺍ
ﻭﺳﺘﺮﻛﺐ ﻭﺳﻂ ﺍﻟﻨﺴﻮﺍﻥ
ﻭﺳﺘﻨﺸﻞ ﻛﻞ ﻧﻘﻮﺩﻙ
ﻭﺳﺘﺼﺒﺢ ﺩﻭﻣﺎ ﺣﺰﻧﺎﻥ
ﺍﻟﻨﺎﺱ ﻳﺎ ﻭﻟﺪﻱ ﺟﻴﻮﺵ
ﻣﻨﺪﻓﻌﺔ ﻣﺜﻞ ﺍﻟﻄﻮﻓﺎﻥ
ﻓﻨﺼﻴﺤﺘﻲ ﺃﻥ ﺗﺬﻫﺐ ﻛﺪﺍﺭﻱ
ﻭﻻ ﺗﺮﻛﺐ ﺑﺺ ﺍﻡ ﺩﺭﻣﺎﻥ
ﺯﻭﺍﺟﻚ ﻳﺎ ﻭﻟﺪﻱ ﻣﺤﺎﻝ
ﺃﺻﺒﺮ ﻳﺎ ﻭﺩ ﺍﻟﺼًﺮﺓ
ﺣﺎﻟﻴﺎ ﻭﺿﻌﻚ ﺑﻄﺎﻝ
ﻭﺣﺘﺒﻘﻰ ﺣﻴﺎﺗﻚ ﻣﺮﺓ
ﻓﺎﻟﻤﻬﺮ ﻓﻲ ﻛﻞ ﺍﻟﺤﻼﻝ
ﻗﺪ ﺍﺻﺒﺢ ﺑﺎﻟﻌﻤﻼﺕ ﺍﻟﺤﺮﺓ
ﺍﺣﺒﺒﺖ ﻓﺘﺎﺓ ﻣﻐﺮﻭﺭﺓ
ﻟﻌﺒﺖ ﺑﻲ ﻗﻠﺒﻚ ﻛﻮﺭﺓ
ﺃﻧﺴﺎﻫﺎ ﻭﺃﺑﺤﺚ ﻋﻦ ﻏﻴﺮﻫﺎ
ﻭﻳﺎ ﺭﻳﺖ ﻟﻮ ﺷﺮﻃﺖ ﺍﻟﺼﻮﺭﺓ
ﺃﻧﺴﻰ ﻭﺗﺒﺴﻢ
ﻓﺎﻟﺰﻭﺟﺔ ﻗﺴﻤﺔ ﻭﺗﻮﺗﻮﻛﻮﺭﺓ
&&&&&&&&&&&&&&&&