شعر سوداني حلمنتيشي عيد الحب

ﻓﺎﻟﻨﺘﻴﻦ
"ﻭﻗﺎﻟﺖ ﺻﺤﻲ .. ﺍﻟﻨﻮﻡ ﻳﺎﺯﻭﻝ
ﻋﻴﺪ ﺍﻟﺮﻳﺪ ﻭﺍﻟﻨﺎﺱ ﻣﺒﺘﻬﺠﻪ
ﻣﺎﻟﻮ ﺍﻟﺒﺎﻝ ﻻ ﺯﺍﻝ ﻣﺸﻐﻮﻝ "
ﻋﻴﺪ ﺍﻟﺮﻳﺪ
ﺍﻟﺴﻨﻪ ﻛﻢ ﻋﻴﺪ ؟
ﻣﺎﻫﻢ ﻋﻴﺪﻳﻦ
ﻓﻲ ﺗﺎﻧﻲ ﺟﺪﻳﺪ
ﻳﺎﺑﺖ ﻣﻌﻘﻮﻝ
ﺿﺤﻜﺖ
ﻭﻧﻐﻤﺔ ﺻﻮﺗﻪ ﺗﻐﻨﻲ
ﻭﻗﺎﻟﺖ
"ﺗُﺐ
ﺗﺎﺭﻳﻚ ﻣﺎ ﻧﺎﻗﺶ
ﻋﻴﺪ ﺍﻟﺤﺐ ﺍﻟﻠﻴﻪ ﻭﺣﺎﺗﻚ
ﻭﻛﺎﻥ ﻣﺎ ﻣﺎ ﺷﻲ
ﺑﺮﺍﻳﻪ ﺑﻘﻮﻝ "
ﺑﺘﻘﻮﻟﻲ ﺷﻨﻮ
ﺷﺎﻟﺖ ﻋﻴﻨﻪ .. ﻭﺭﻓﻌﺖ ﺭﺍﺳﻪ
ﻭﻗﺎﻋﺪﻩ ﺑﺘﻜﺘﺐ ﻓﻲ
ﻛﺮﺍﺳﻪ
ﺗﻜﺘﺒﻲ ﺷﻨﻮ؟
ﻫﻲ ﻳﺎﺯﻭﻟﻪ ﺩﻗﻴﻘﻪ
ﺍﺳﺘﻨﻲ
ﻋﻴﺪ ﺍﻟﺤﺐ ﺩﻩ ﻋﺪﻳﻞ ﻣﺤﻨﻲ
ﺍﻟﻌﻴﺪ ﺍﻻﻭﻝ ﻣﻌﺮﻭﻑ ﺷﻐﻠﻮ
ﻟﻔﺎ ﻃﻮﻳﻠﻪ ﻭﺣﻠﻮﻳﺎﺕ
ﻭﺍﻟﻌﻴﺪ ﺍﻟﺘﺎﻧﻲ
ﻛﻤﺎﻥ ﺑﺲ ﻟﺤﻤﻪ
ﻣﺮﺍﺭﻩ ﻭﺷﻴﻪ ﻭﺷﺮﺑﻮﺗﺎﺕ
ﺍﻟﻌﻴﺪ ﺍﻟﺘﺎﻟﺖ
ﻓﻴﻬﻮ ﺷﻨﻮ؟
" ﻗﺎﻟﺖ ﻓﻴﻬﻮ ﺟﻨﺲ ﺣﺎﺟﺎﺕ
ﺍﺳﻜﺖ ﺳﺎﻛﺖ
ﺍﻣﺸﻲ ﻭﺷﻮﻓﻮ
ﻭﻛﺎﻥ ﻣﺎ ﺑﺘﻌﺮﻑ
ﻗﻠﺪ ﻭﺍﻋﻤﻞ
ﺑﺲ
ﺑﻨﻈﺎﻡ ﺍﻟﺨﻮﺍﺟﺎﺕ
"
ﺍﻟﺨﻮﺍﺟﺎﺕ !!؟
ﻧﺎﺱ ﻋﻮﺽ ﻭﺩ ﺍﺣﻤﺪ
ﻭﻗﺎﻣﺖ ﻛﻴﻒ
ﻭﺍﻟﻐﻀﺐ ﺍﺗﻮﺣﺪ
ﻭﻗﺎﻟﺖ ﻭﺻﻮﺗﻪ ﺣﺎﺿﺮ ﻭﺑﺸﻬﺪ
ﺍﻧﺖ ﻣﻄﺮﻃﺶ ﻭﻻ ﺷﻨﻮ
ﺍﻩ ﻟﻮ ﺍﻋﺮﻑ ﻗﺒﻞ ﺍﻟﻘﺎﻙ
ﺍﻧﻚ ﻓﺎﺭﻩ
ﻓﺎﺭﻩ ﻣﻨﻮ؟
ﺍﻩ ﻟﻮ ﺗﻌﺮﻑ ﻗﻠﺒﻚ ﺻﺨﺮﻩ
ﻭﺍﻧﺎ ﻧﻮﺍﺭﻩ
ﻧﻮﺭﻩ ﻣﻨﻮ؟
ﺍﻩ ﻟﻮ ﺗﻌﺮﻑ ؟ ﺑﺲ ﺍﺳﺘﻨﻲ
ﺁﺁﺁﻩ ﺍﻧﺎ ﻣﻨﻚ
ﻳﺎﺥ ﻣﺎ ﺑﺘﻔﻬﻢ
ﻫﻮﻭﻭﻭﻭﻭﻭﻱ
ﻳﺎﺑﺖ ﻣﺎ ﻋﻨﺪﻙ ﺷﻐﻼ
ﻗﺎﻟﺖ ﻋﻴﺪ ﻭﺍﻟﻨﺎﺱ ﻣﺤﺘﻔﻼ
ﻭﺑﺘﻀﺒﺤﻮ ﺍﻳﻪ ﺍﻧﺸﺎﻟﻠﻪ ﺍﻟﻠﻴﻠﻪ
ﺯﻋﻠﺖ ﻭﻗﺎﻟﺖ "ﺣﺎﻭﺭﻳﻚ
ﺣﻀﺒﻚ ﺍﻧﺖ ﻳﺎﻣﺘﺨﻠﻒ
ﻭﻣﺎ ﻣﺘﻌﻠﻢ
ﻓﻠﻨﺘﺎﻳﻦ
ﻣﺎ ﺗﺘﻜﻠﻢ
"ﻫﻲ ﻣﺎ ﺗﻘﻮﻟﻲ ﺑﻘﻮﻟﻮ ﺷﻨﻮ
ﺿﺤﻜﺖ ﻭﻗﺎﻟﺖ
"i love you"
ﻫﻲ ﻳﺎ ﺯﻭﻟﻪ
u love me
ﺍﻱ ﻟﻔﻠﻲ ﺍﺷﻮﻓﻚ
ﺩﻱ ﺑﺮﺍﻫﺎ ﻛﻔﺎﻳﻪ
can i see
ﻋﻴﻮﻧﻚ ﻣﺮﻩ
ﺍﺑﺘﺴﻤﺖ ﻭﻗﺎﻟﺖ
" ﻫﻬﻬﻬﺎﺍﺍﺍﺍﺍﺍﻱ
yes u can"
ﻭﻃﻴﺐ ﺑﺲ
ﻣﺎ ﺗﻘﻮﻟﻲ ﻛﺪﻩ
ﻋﻼ ﺩﻗﻴﻘﻪ ﻋﻠﻴﻚ ﻋﻴﻨﻴﻚ
ﻋﻴﺪ ﺍﻟﺤﺐ ﺩﻩ
ﻋﻠﻴﻨﺎ ﻋﻠﻴﻜﻲ
ﻭﻛﻞ ﺳﻨﻪ ﻭﺍﻧﺘﻮ ﻃﻴﺒﻴﻦ