شعر سوداني حلمنتيشي وييين رسائلا

ﻭﻳﻦ ﺭﺳـــــﺎﺋﻼ؟
ﻳﺎﻣﺎ ﺳﺄﻟﺖ ﻋﻠﻴﻚ ﻛﺘﻴﺮ ...ﻳﺎﻣﺎ ﺳﺄﻟﺖ ﺳﺆﺍﻝ ﻧِﻜﻴﺮ
ﻭﻳﻦ ﺯﻭﻟﻲ ﻳﺎ ﻧﺎﺱ ﻭﻳﻦ ﺃﻣﻴﺮﺓَََ ﺍﻟﻜﻮﻥ ﺣﻼ
ﻭﻳﻦ ﺍﻟﺮﺳﺎﻳﻞ ﺍﻟﻜﺎﻥ ﺯﻣﺎﻥ ﺑﺘﺮﺳﻼ
ﻗﻮﻟﻮﻟﻲ ﻳﺎ ﻧﺎﺱ ﺷﻦ ﺣﺼﻞ ﻗﺒﺎﻝ ﺃﺳﺎﻓﺮ ﺃﺣﺼّﻼ
ﻻ ﻛﻠﻤﺔ ﻣﻨﻬﺎ ﻻﺧﺒﺮ .. ﻻ ﺑﺴﻤﺔ ﻣﻨﻬﺎ ﻻﻧﻈﺮ
ﻫــﻮﻱ ﻳﺎ ﺟﻤﺎﻋــﺔ ﺍﻧــﺎ ﻓــﻲ
ﺧﻄــﺮ .....................
............... ﺍﻟﻨﺎﺭ ﻓﻲ ﺟﺴﻤﻲ ﻣﺸﻌـﻠِﻼ
................ﻳﻜﻮﻧﺸﻲ ﺣﺎﺻﻞ ﻣﺸﻜﻼ
............... ﻧﻌﺎﻝ ﻫﻲ ﻣﻮ ﻣﺘﻌـﻠـّﻼ
ﻭﺍﻟﻠﻪ ﺍﻟﻤﺼﻴﺒﺔ ﺗﻜﻮﻥ ﻧﺴﺖ ﺩﺍﺳﺘﻨﻲ ﺑﺎﻟﻜﻌﺐ ﺍﻟﻌﻼ
ﻭﺧﺘـّﺘـْﻨﻲ ﻓﻮﻕ ﺍﻟﺮﻑ ﻣﻌﺎ ﺣﺎﺟﺎﺕ ﻗﺪﻳﻤﺔ ﻣﻬﻤّﻼ
ﻣﻌﻘﻮﻝ ﺩﻩ ﻳﺤﺼﻞ ﻣﻨﻬﺎ .. ﻻﻻﻻﻟﻪ ﻭﺃﻟﻒ ﻻ
ﻃﻴﺐ ﺃﻗﻮﻝ ﺑﺲ ﺃﻳﻪ ﺣﺼﻞ ﺩﻱ ﺍﺭﺑﻊ ﺷﻬﻮﺭ ﻣﺘﻜﺎﻣﻼ
ﻭﺁﺧﺮ ﺭﺳﺎﻟﺔ ﺇﺫﻛـَّﺮﺍ .. ﻛﺎﻧﺖ ﻛﺘﺎﺑﻲ ﻣﻬﺮﺟﻼ
ﻭﻛﺎﺗﺒﺎﻟﻲ ﻗﺒﺎﻝ ﺁﺧﺮﺍ .. ﺳﺎﻣﺤﻨﻲ ﺃﻧﺎ ﻣﺴﺘﻌﺠﻼ
ﺃﺑﺪﺍً ﺩﻱ ﻣﺎﻫﺎ ﻋﻮﺍﻳﺪﺍ .. ﻭﺍﻟﻠﻬﻲ ﻣﺎﻫﺎ ﻋﻮﺍﻳﺪﺍ
................ ﻳﺎ ﺭﺑﻲ ﻋﺎﺩ ﺷﻦ ﺻﺎﻳﺪﺍ
ﻗﺼﺪﺕ ﺣﻴﺎﺗﻲ ﺗﻨﻜﺪﺍ .. ﻗﺼﺪﺕ ﻋﻴﻮﻧﻲ ﺗﻘﺪِّﺩﺍ
ﺧﺎﺯﻭﻕ ﻳﻜﻮﻥ ﻓﻴـِّﻲ ﺇﻧﻀﺮَﺏ ﻟﻮﺗﺒﻘﻰ ﻋﺎﺩ ﺩﻱ ﻣﻘﺎﺻﺪﺍ
,,,,,,,,, ﻟﻜﻨــِّـﻲ ﺗﺎﻧــﻲ ﺃﺭﺟـــﻊ
ﻭﺃﻗــــﻮﻝ ,,,,,,,,,
ﺩﻩ ﻣﺤﺎﻝ ﻳﻜﻮﻥ .. ﺩﻱ ﻣﻈﻨـّﺔ ﺳﺎﻛﺖ ﻭﺃﺧْﻴِﻼ
,,,,,,,,,,,, ﺩﻱ ﺣﻘﻴﻘﺔ ﻻﺯﻡ ﺃﺟﻬﻼ ,,,,,,,,,,,,
ﻭﺃﺻﻠﻮ ﺍﻟﺤﻘﻴﻘﺔ ﻣﻦ ﺍﻭﻻ ﻭﻫﻲ ﺩﻱ ﻛﺎﻥ ﺑﺪﺍﻳﺔَ
ﺍﻟﻤﺸﻜﻼ
ﻻﻗﺘﻨﻲ ﻓﻲ ﻧُﺼّﺖْ ﻧﻬﺎﺭ ﻭﺍﻟﻮﺍﻃﺔ ﺣﺎﺭﺓ ﻣﻮَﻟـْﻮِﻻ
ﻭﺍﻧﺎ ﻛﺖّ ﻳﺎ ﺯﻭﻝ ﻣﻨﻘﺸﺮ ﺁﺧﺮ ﺷﻴﺎﻛﺔ ﻣﻜﻤّﻼ
ﺷﺎﻛـِّﻲ ﺍﻟﻘﻤﻴﺺ ﻭﺭﺍﺑﻂ ﺍﻟﺤﺰﺍﻡ ﻭﺍﻟﺒﺪﻟﺔ ﺭﻭﻋﺔ ﻣﻔﺼﻼ
ﻭﻳﺎ ﺩﻭﺑﻲ ﻣﺘﻌﻄـّﺮْ ﻛﻤﺎﻥ .. ﺃﺭﻳﺎﺣﻲ ﻓﺎﻳﺢ ﺻﻨﺪﻻ
ﺃﺩّﺗـﻨﻲ ﻋﻴﻦ !! ﻻﺣﻮﻟﺔ ﻋﺎﺩ ﻻﻗﻮﺓ .. ﻋﺎﺩ ﻣُﻮﻋﻴﻦ
ﻧَﺼﺎﺡ
,,,,,,,,,,,, ﺩﻱ ﻋﺪﻳﻞ ﻣﻮﺟّﻬﺔ
ﻗﻨﺒﻼ ,,,,,,,,,,,,
ﻭﻓﻲ ﺍﻟﺤﺎﻝ ﻣﻔﺎﺻﻠﻲ ﺇﻧﻔﺼّـﻠـﻦ ﻭﻛﺮﻋَﻲْ ﺑﻘﺘـﻠﻲ
ﻣﻜﺠْﻮﻻ
ﻭﻗﻠﺒﻲ ﺍﻟﻤﺴﻴﻜﻴﻦ ﺇﺗﻮَﻫﻢ ﻭﻛﺎﻥ ﺩﺍﺭ ﻳﻘﻴﻒ ﻟﻮ ﻣﺎ
ﻗﺮﻳﺖ ﺍﻟﺒﺴﻤﻼ
ﻭﺧﺘـّﻴﺖ ﻧﻔﺲ .. ﻭﻋﻠـِّﻴﺖ ﻧﻔﺲ .. ﻭﺑﻌﺪ ﺗﻌَﺐْ
ﻋﺎﻳﻨﺘﻼ
,,,,,,,,,,,, ﺑﺴﻤﺘـﻠﻲ ﻗﻤﺖ
ﺑﺴﻤﺘﻼ ,,,,,,,,,,,,
,,,,,,,,,, ﻭﻓﻜـّﻴﺖ ﻃــﻮﻳﻞ ﻣــﻦ ﻏﻴــﺮ
ﻛـــﻼﻡ ,,,,,,,,,,,
ﻭﻛﺎﻥ ﻟﻲ ﺍﻟﻌﺮﻕ .. ﻣﻌّﻂ ﻓﻨﻴﻠﺘﻲ ﻭﺑﻠﺒﻼ
ﻗﻌﺪﺕ ﺃﺣﻠﻞ ﻓﻲ ﺍﻟﺤﺼﻞ .. ﻭﺭﺍﺳﻲ ﺇﻧﺸﺤـﻦ
ﺑﺎﻷﺳﺌﻼ
ﺩﻱ ﺗﻜﻮﻥ ﺷﻨﻮ !!... ﺣﻮﺭﻳﺔ ﺩﺍﺑﺎ ﻣﻨﺰّﻻ
ﻭﺑﺴﻤﺘـﻠﻲ ﻟﻴﻪ .. ﻭﺍﻟﻨﻈﺮﺓ ﻛﻴﻔﻦ ﺃﺣﻠـّﻼ
,,,,,,,,,,,, ﺟﺎﻳﺰ ﺗﻜﻮﻥ ﻣﺴﺘﻬﺒﻼ ,,,,,,,,,,,,
ﺟﺎﻳﺰ ﺩﻱ ﺃﺣﺪ ﺍﻟﻤﻌﺠﺒﺎﺕ ﻭﺍﻧﺎ ﻧﻔﺴﻲ ﺳﺎﻛﺖ ﺟﺎﻫﻼ
ﻳﺎ ﺭﺏ ﻓﻲ ﺳﺎﺑﻖ ﻣﻌﺮﻓﺔ .. ﻭﺑﺎﻟﺒﺴﻤﺔ ﺩﺍﻳﺮﻱ ﺗﻮﺻّﻼ
ﺍﻟﻠﻪُ ﺃﻋﻠﻢ ﻣﺎ ﺃﻇﻦ .. ﺩﻱ ﺍﻭﻝ ﻣﺼﺎﺩﻓﺔ ﺃﻗﺎﺑﻼ
ﻭﺁﺧﺮ ﺣﻘﻴﻘﺔ ﻃﻠﻌﺘﺒﺎ .. ﻳﻤﻜﻦ ﺗﻜﻮﻥ ﺩﻱ ﻣﺸﺎﻏﻼ
,,,,,,,,,,,,,, ﺑــﺲ ﺗـــﺎﻧــﻲ
ﻳـــــﻮﻡ ,,,,,,,,,,,,,,
ﺇﻥ ﻛﺎﻥ ﺃﺷﻮﻓﻠﻚ ﺯﻭﻟﺘﻲ ﻓﻲ ﺍﻟﻜﺎﻓﺘﻴﺮﻳﺎ ﺑﺎﺳﻤﻲ
ﻣﻬﻠـّﻼ
ﺃﺗﺎﺭﻱ ﺍﻟﺒﻨﻴﺔ ﻫِﻲْ ﻃﺎﻟﺒﺔ ﻭﺟﺎﺑﻮﻫﺎ ﻳﺎ ﺩﻭﺏ ﻓﻲ ﺍﻭّﻻ
ﺗﻌﺮﻓﻨﻲ ﻭﺃﻧﺎ ﻣﺎ ﺑﻌﺮﻓﺎ .. ﻳﺎ ﻟﻠﻤﺼﻴﺒﺔ ﻭﺍﻟﺒﻼ
ﻣﻮﻗﻒ ﺻﻌﺐ .. ﺑﻲ ﻳﺎﺗﻮ ﻭﺵ ﺍﻧﺎ ﺃﻗﺎﺑﻼ
ﻣﺸﻴﺖ ﻋﻠﻴﻬﻦ .. ﻛﻮﻡ ﺑﻨﺎﺕ .. ﺃﻫﻼً ﻭﺳﻬﻼً ﻭﻳﺎ ﻫﻼ
ﺳﻠـّﻢ ﻋﻠﻴﻬﻦ ﺑﻲ ﺑﺸﺎﺷﺔ ﻭﻫﻲ ﺧﺎﺻﺔ ﻛﺘـّﺮْ ﺯﺩﺗﻼ
ﻭﺑﺤﻠـْﻘﺖَ ﺑﺤﻠـَﻖْ ﻓﻲ ﺍﻟﻌﻴﻮﻥ ﺗﺤﻠﻒ ﺗﻘﻮﻝ ﺩﺍﺭ ﺁﻛﻼ
ﻭﺣﺼﻞ ﺍﻟﺘﻌﺎﺭﻑ ﻭﺍﻟﻜﻼﻡ .. ﺧﻼﺹ ﺧﻼﺹ ﻗﺮﺑﺘﻼ
ﻭﺳﺄﻟﺘﻨﻲ ﻟﻴﻚ ﻋﻦ ﻳﻮﻡ ﺃﻣﺲ .. ﻟﻲ ﺑﻲ ﺑﻴﺎﺧﺎ ﻓﺘﺤﺘﻼ
ﻭﺣﻠـَﻒْ ﺣﻠﻔﺖ ﺍﻧﺎ ﺑﺎﻟﻴﻤﻴﻦ ﻣﺎ ﻛﻨﺖ ﺩﺍﻳﺮ ﺃﻋﻄـِّﻼ
ﻭﻣﺎ ﻛﻨﺖ ﻋﺎﺭﻓﻚ ﺇﻧﺘﻲ ﻣﻴﻦ .. ﻭﺟﺎﺑﻮﻛﻲ ﻟﻠﻤﻌﻬﺪ
ﻣﺘﻴﻦ
ﻋﻠﻰ ﻛﻠﻮ ﺣﺎﻝ ﺍﻧﺎ ﺑﻌﺘﺬﺭ .. ﺇﻥ ﻛﻨﺖ ﻏﻠﻄﺎﻥ ﻭﺍﻟﻠﻪْ ﻻ
ﻭﺍﻟﺒﺴﻤﺔ ﻓﺮَّﺕْ ﻣﻦ ﺭﻣﻮﺷﺎ .. ﻭﻣﻦ ﻋﻴﻮﻧﺎ .. ﻭﻣﻦ
ﺳﻨﻮﻧﺎ
ﻭﺍﻟﺪﻧﻴﺎ ﺑﺴﻤﺖْ ﺑﻲ ﻧـِﻮﻳﺴﻴﻨﺎ ﻭﻋﻔﺎﺭﻳﺘﺎ ﻭﺟﻨﻮﻧﺎ
,,,,,,,, ﻭﺍﻧﺎ ﺇﺑﺘﺴﻢْ .. ﻭﺍﻟﺘﺎﻧﻲ ﺑﻲ ﺟﻤﺒﻲ
ﺇﺑﺘﺴﻢ ,,,,,,,,
ﻭﻛﺎﻥ ﻣﻮ ﺍﻟﻜﻀﺐ .. ﻛﺮْﺳﻴّﺎ ﻓﺮﻓﺮ ﻭﺍﺑﺘﺴﻢ
,,,,,,,,,,,,,, ﺳﺒﺤﺎﻧﻬﻮ ﺍﻟﺨﻠﻖ
ﺍﻟﻨـِّﻌﻢ ,,,,,,,,,,,,,,,
ﺳﺒﺤﺎﻧﻬﻮ ﺍﻟﺨﻠﻖ ﺍﻟﺠﻤﺎﻝ ﻭﺍﺩّﺍﻛﻲ ﻣﻨـّﻮ ﻭﻛﺖ ﻗـَﺴﻢ
ﻭﺧﻼﻛﻲ ﺿﻤّﻪ ﺗﻤﺨـْﻮِﻟﻲ ﻭﺗﺮﺑّﻲ ﻓﻲ ﺍﻟﺮﺍﺱ ﺍﻟﻮﻫﻢ
ﻭﺧﻼﻧﻲ ﻗﺪﺍﻣﻚ ﺻِﻐِﺮْ ﻭﻟﺴﺎﻧﻲ ﺑﻲ ﻃﻮﻟﻮ ﺇﺗﺒﻜﻢ
ﺩﺍﻳﺮ ﺍﻟﺤﻘﻴﻘﺔ .. ﺍﻧﺎ ﺇﺗﻮﻫﻢ .. ﻭﻋِﺪِّﻭﻧﻲ ﺑﺲ ﺷﻮﺍﻝ
ﻓﺤﻢ
ﺃﻭ ﻗﻮﻝ ﺃﺑﻮ ﺍﻟﻬﻮﻝ ﺑﺎﻟﺘﻤﺎﻡ .. ﺍﻧﺎ ﻣﺎ ﺟﻤﺪﺕّ ﺑﻘﻴﺖ
ﺻﻨﻢ
,,,,,,,,,,,,, ﺳﺒﺤﺎﻧﻬﻮ ﺍﻟﺨﻠﻖ
ﺍﻟﻨﻌﻢ ,,,,,,,,,,,,,
ﺳﺒﺤﺎﻧﻚ ﺍﻟﻠﻪ ﻳﺎ ﻋﻈﻴﻢ .. ﺍﻟﻘـُﺪْﺭﺓ ﻓﻴﻜﺎ ﻣﻤﺜﻼ
,,,,,,,,,,,, ﻓﻴﻚ ﺍﻟﺼﻔﺎﺕ ﻣﺘﻜﻤـِّﻼ ,,,,,,,,,,,,
ﻭﺍﻟﺒﺴﻤﺔ ﻓﺮَّﺕْ ﻣﻦ ﺭﻭﻣﺸﺎ .. ﻭﻭﻣﻦ ﻋﻴﻮﻧﺎ ﻭﻣﻦ
ﺳﻨﻮﻧﺎ
ﻭﺍﻟﺪﻧﻴﺎ ﺑﺴﻤَﺖْ ﺑﻲ ﻧﻮﻳﺴﻴﻨﺎ ﻭﻋﻔﺎﺭﻳﺘﺎ ﻭﺟﻨﻮﻧﺎ
,,,,,,,,,,,, ﺍﻟﻠﻪ ﻋﻠِﻲ ﺍﻟﺬﻭﻕ
ﻭﺍﻟﺤﻼ ,,,,,,,,,,,,
ﻳﺎ ﻣﻨﻘﺔ ﺳﻨـّﺎﺭﻳّﺔ ﺗﺸﻔﻲ ﺍﻟﺰﻭﻝ ﻗـَﺒُـﻞْ ﻣﺎ ﻳﺎﻛﻼ
ﻳﺎ ﺑﺎﺳﻄﺔ ﻓﻲ ﻃﺒﻠﻴﺔ ﺑﻲ ﺃﻧﻮﺍﻋﺎ ﺭﺍﻗﺪﻱ ﻣﺸﻜـَّﻼ
,,,,,,,,,,,,,,,,,, ﺇﻧﺘﻲ
ﺍﻟﺤﻼ ,,,,,,,,,,,,,,,,,,
ﺇﻧﺘﻲ ﺍﻟﺴِّـﻜﻴﻜـْﺮﻱ ﺍﻟﻔﻮﻕ ﻛﺴﻴﺮﺗﺎً ﺑﻲ ﻟﺒﻴﻨﻲ ﻣﺒﻠﺒﻼ
ﺭﻭﺣِﻚْ ﺗﺮﻳِّﺢْ ﻣﻴَّﻪ ﺯﻳِّﻲ .. ﻭﺍﻛﻴﺪ ﺭﻭﻳﺤﺘﻲ ﻣﺠﻨﻀﻼ
ﻭﻋﻴﻨﻚ ﺗﻬﺰَّ ﺍﻟﻤﺎﺏ ﻳﺸﻮﻑ .. ﻭﺍﻧﺎ ﻧﻈﺮﺓ ﻣﺎ ﺑﺴﺘﺤْﻤﻼ
ﺯﻫـْﻠﻠـْﺘﻲ ﻗﻠﺒﺎً ﻣﻦ ﺯﻣﺎﻥ ﺍﻟﺮﻳﺪﺓ ﻛﺎﺗﻼ ﻣﺰﻫـْﻠﻼ
,,,,,,,,,,,,,,,, ﻭﻛﻴﻒ
ﺍﻟﻌﻤﻞ ,,,,,,,,,,,,,,,,
ﻭﺑﺎﻗﻴﻠﻲ ﺑﺲ ﺇﺳﺒﻮﻉ ﻣﻌﺎﻙ ﻭﺩﻱ ﺗﻜﻮﻥ ﻧﻬﺎﻳﺔ ﺍﻟﻤﺮﺣﻼ
,,,,,,,,,,,,,,,, ﻭﻛﻴﻒ
ﺍﻟﻌﻤﻞ ,,,,,,,,,,,,,,,,
,,,,,,,, ﻭﻳﺎﺩﻭﺏ ﺑﺪﻳﺖ ﺷﻬﺮ ﺍﻟﻌﺴﻞ ,,,,,,,,
ﺁﻩ ﻳﺎ ﻋﺴﻞ .. ﻳﺎ ﺍﺣﻼ ﻭﺟﺒﺔ ﻣﻔﻀـَّﻼ
,,,,,,,,,,,,,,,, ﻭﻛﻴﻒ
ﺍﻟﻌﻤﻞ ,,,,,,,,,,,,,,,,
ﻭﺍﻧﺎ ﺩﺍﻳﺮ ﺃﺳﺎﻓﺮ ﻭﺭﻭﺣﻲ ﻓﻴﻜﻲ ﻣﻌﻨﻜﻼ
ﻟﻴﻪ ﻣﻦ ﺯﻣﺎﻥ ﻣﺎ ﺟﻴﺘﻲ .. ﻭﻳﻦ ﻛﺎﻧﺖ ﺯﺭﻭﻋﻚ
ﻭﻣﺸﺘﻼ
ﻟﻮ ﻛﻨﺖ ﻋﺎﺭﻓﻚ ﺇﻧﺘﻲ ﺟﺎﻳﻲ .. ﺍﻧﺎ ﻛﺖَّ ﺩﺳﺖ ﺍﻟﻔﺮﻣﻼ
ﻭﺍﻧﺎ ﻛﺖ ﺭﺑّﺖّ ﺍﻟﺴﻨﺔ ﻭﺍﻟﺠﺎﻳﻲ ﺟﺎﻳﺰ ﺃﻛﻨﺼﻼ
ﻭﺍﺣﻠﻰ ﺍﻟﻜﻼﻡ ﻛﺎﻥ ﺍﻟﻜﻼﻡ ﻓﻲ ﻗﻌﺪﺓ ﺣﻠﻮﺓ ﻣﺪﻧﻜﻼ
ﺃﺣﻠﻰ ﺍﻟﻜﻼﻡ ﻳﻮﻡ ﻗﻠﺘﻲ ﻟﻲْ ﺑﻲ ﻧﻐﻤﺔ ﻭﺗــَﺮَﺓ ﻣﺮﺗـّﻼ
ﺃﻧﺴﺎﻛﺎ ﻛﻴﻒ ﻭﺍﻟﻘﺎﻛﺎ ﻭﻳﻦ .. ﻭﺍﻟﺪﻣﻌﺔ ﺑﻠـّﺖْ ﺟﺪﻭﻻ
ﻭﺍﺣﻠﻰ ﺍﻟﻜﻼﻡ ﻳﻮﻡ ﻗﻠﺘﻲ ﻟﻲْ .. ﺃﻳﺎﻣﻨﺎ ﺩﻱ ﺍﻧﺎ ﻣﺎ
ﺑﺠﻬﻼ
ﻭﺣﺘﻜﻮﻥ ﺑﻴﻨﺎﺗﻨﺎ ﻣﺮﺍﺳﻠﺔ ﻭﺍﻟﺒﻮﺳﺘﺔ ﺗﺒﻘﻰ ﻣﻮﺍﺻﻼ
,,,,,,,,,,,,, ﻭﻛﺎﻧﺖ ﺑﻴﻨﺎﺗﻨﺎ
ﻣﺮﺍﺳﻼ ,,,,,,,,,,,,
ﻛﺎﻧﺖ ﺭﺳﺎﻳﻼ ﺯﻳّﻬﺎ .. ﺭﺷﻴﻘﺔ .. ﺣﻠﻮﺓ .. ﻣﺪﻟﻼ
ﺃﺣﺐ ﺃﺻﺎﺑﻌﻴﻜﻲ ﺍﻟﺮُّﻗﺎﻕ ﺍﻟﻬﻨﺪﺳﺔ ﺍﻟﻼ ﻣﺴﻄﺮﺓ ﻭﻻ
ﻣﻨﻘﻼ
,,,,,,,,,,,, ﺍﻟﻠﻪ ﻋﻠﻴﻬﺎ ﺭﺳﺎﻳﻼ ,,,,,,,,,,,,
ﺃﺑﺪﺍ ﺍﻟﺮﺳﺎﻟﺔ ﻣﻦ ﺃﻭﻻ ... ﻟﻜﻦ ﻗـَﺒُـﻞ ﻣﺎ ﺍﻛﻤّﻼ
ﺃﺑﺪﺍﻫﺎ ﺗﺎﻧﻲ ﻣﻦ ﺍﻭﻻ .. ﻭﺗﺒﻘﻰ ﺍﻟﺤﻜﺎﻳﺔ ﻣﺴﻠﺴﻼ
ﻭﻟﻤﺎﻥ ﺃﻛﻮﻥ ﻓﻲ ﻧﻬﺎﻳﺘﺎ .. ﺍﻧﺎ ﺣﺎﻟﺘﻲ ﺗﺼﺒﺢ ﻣﻬﺰﻻ
,,,,,,,,,,,,, ﺃﻋﺼﺎﺑﻲ ﺗﺒﻘﻰ
ﻣﺼﻠﺼﻼ ,,,,,,,,,,,,,
ﻻ ﺑﻘﺪﺭ ﺃﺑﻠﻊ ﻭﻻ ﺑﻠﻮﻙ .. ﻭﻋﻴﻮﻧﻲ ﺯﺍﻳﻐﻲ ﻣﺰﻏﻠﻼ
,,,,,,,,,,,, ﺍﻟﻠﻪ ﻋﻠﻴﻬﺎ ﺭﺳﺎﻳﻼ ,,,,,,,,,,,,
ﻭﺍﻟﺨﻂ ﻗﻄﻊ .. ﻭﻗﻠﺒﻲ ﺍﻧﻘﻄﻊ .. ﻭﺭﺍﺳﻲ ﺍﻧﺼﺪﻉ
ﺗﻔﻜﻴﺮﻱ ﺳﺎﻓﺮ ﻭﻣﺎ ﺭﺟﻊ .. ﺍﻟﺪﻧﻴﺎ ﻳﺎﻫﺎ ﻓﻌﺎﻳﻼ
ﺗﺮﺧﻴﻠﻚ ﺍﻟﺨﻴﺖ ﺗـﻨﺒﺴﻂ .. ﻭﺗﺠﻴﺐ ﻣﺼﺎﻳـﺒﺎ ﺗﺒﻬﻼ
ﻭﻳﻦ ﺯﻭﻟﻲ ﻳﺎ ﻧﺎﺱ ﻭﻳﻦ ﺃﻣﻴﺮﺓ ﺍﻟﻜﻮﻥ ﺣﻼ
ﻭﻳﻦ ﺍﻟﺮﺳﺎﻳﻞ ﺍﻟﻜﺎﻥ ﺯﻣﺎﻥ ﺑﺘﺮﺳﻼ
ﻗﻮﻟﻮﻟﻲ ﻳﺎ ﻧﺎﺱ ﺷﻦ ﺣﺼﻞ ﻗﺒﺎﻝ ﺃﺳﺎﻓﺮ ﺃﺣﺼﻼ
,,,,,,,,,,,, ﺩﻱ ﺍﺭﺑﻊ ﺷﻬﻮﺭ
ﻣﺘﻜﺎﻣﻼ ,,,,,,,,,,,,
ﻭﺁﺧﺮ ﺭﺳﺎﻟﺔ ﺍﺫﻛـّﺮﺍ .. ﻛﺎﻧﺖ ﻛﺘﺎﺑﻲ ﻣﻬﺮﺟﻼ
ﻭﻛﺎﺗﺒﺎﻟﻲ ﻗـُﺒّﺎﻝ ﺁﺧﺮﺍ .. ﺳﺎﻣﺤﻨﻲ ﺍﻧﺎ ﻣﺴﺘﻌﺠﻼ
ﻧﻌﺎﻝ ﻫﻲ ﻣﺎﻫﺎ ﻓﻲ ﻣﺸﻜﻼ .. ﺑﺲ ﻻﺗﻜﻮﻥ ﻣﺘﻌﻠﻼ
,,,,,,,,,,,, ﻭﺍﻧﺎ ﻓﻲ ﺍﻟﺴﺆﺍﻝ
ﻭﺍﻷﺳﺌﻠﺔ ,,,,,,,,,,,,
ﻣﺮﺍﺕ ﺃﺟﺎﻭﺏ ﺃﻗﻮﻝ ﻧﻌﻢ .. ﻣﺮﺍﺕ ﺃﻗﺮِّﺭْ ﺃﻗﻮﻝ ﺩﻩ ﻻ
ﺟﺎﻧﻲ ﺍﻟﺨﺒﺮ ﺷﺎﻳﻠﻮ ﺍﻟﻐﺮﺍﺏ ﻭﺧﺒﺮ ﺍﻟﻐﺮﺍﺏ ﺩﺍﻳﻤﺎً ﺑﻼ
,,,,,,,,,,,, ﺍﻟﺴﻤﺤﺔ ﻗﺎﻟﻮﺍ ﻣﺮﺣَّﻼ ,,,,,,,,,,,,
ﻏﻨـُّﻮﻫﺎ ﻟﻴﻬﺎ ﻭﺭﻗـّﺼﻮﻫﺎ .. ﺍﻟﺤﻠﻮﺓ ﺯﻭﻟﺘﻚ ﻋﺮﺳﻮﻫﺎ
,,,,,,,,,,,, ﻭﺍﺳّﻊ ﻓﻲ ﺳﻮﺭﻳﺎ
ﻣﻌﺴّﻼ ,,,,,,,,,,,,
ﻳﺎ ﺣﻠﻴﻠﻲ ﺍﻧﺎ ﺍﻟﺒﺎﺭﻱ ﺍﻟﺴﺮﺍﺏ ﻭﺩﺍﻗﺶ ﺩﺭﻳﺒﺎﺕ ﺍﻟﺨﻼ
ﻭﺩﻋـْﺘﻚ ﺍﻟﻠﻪ ﻣﻊ ﺍﻟﺴﻼﻣﺔ ﻭﺳﻜـّﺘﻚ ﻣﺎ ﺑﺪﺧﻼ