ﻣﺤﻦ ﺍﻟﺰﻣﻦ
ﻳﻼ ﻳﺎ ﺍﺧﻮﺍﻥ ﺗﻌﺎﻟﻮﺍ
ﺷﻮﻓﻮﻫﺎ ﻛﻴﻒ ﻣﺤﻦ ﺍﻟﺰﻣﻦ
ﺩﺍﻳﺮ ﺍﻛﺘﺐ ﻟﻲ ﻛﻼﻡ
ﻓﻲ ﺣﺎﺟﺔ ﻣﺎ ﻣﻌﺮﻭﻓﺔ ﻛﻴﻒ
ﻭﺻﻔﻮﻫﺎ ﻗﺎﻟﻮﺍ ﻋﻠﻴﻬﺎ ﻓﻦ
ﻭﺍﻟﻠﻪ ﻣﺤﻦ
ﺑﻘﻮﻟﻮﺍ ﻓﻦ
ﺍﻟﻔﻦ ﺩﺍ ﻣﺎﻳﻚ ﻭﻣﻨﺪﻟﻴﻦ ؟
ﺍﻟﻔﻦ ﺩﺍ ﺳﺎﻭﻥ ﻭﺍﻭﺭﻗﻨﻴﻦ ؟
ﻭﻓﻨﺎﻥ ﻭﻗﻒ ﻣﻨﻔﻮﺥ ﺳﻤﻴﻦ
ﺑﺪﺍ ﺣﻔﻠﺘﻮ
ﻟﻤﻦ ﺗﺸﻮﻑ
ﺍﻟﻮﺍﻥ ﻗﻤﻴﺼﻮ ﻭﺑﺪﻟﺘﻮﺍ
ﻭﺍﻟﻤﺎﻳﻚ ﺍﻟﻤﺴﻜﻴﻦ
ﺳﺠﻴﻦ ﻓﻲ ﻗﺒﻀﺘﻮ
ﺗﻘﻮﻝ ﻳﻐﻨﻲ ﺍﻻﻭﺻﻔﻮﻙ
ﺍﻭ ﺑﺎﻻﻗﻞ ﺍﻟﻢ ﺍﻟﻔﺮﺍﻕ
ﻭﺍﻟﻨﺎﺱ ﺗﺮﺩﺩ ﺑﻲ ﻭﺭﺍ
ﻟﻜﻦ ﻛﻀﺐ
ﺍﻭﻝ ﻛﻼﻡ ﻏﻨﺎﻫﻮ ﻛﺎﻥ
ﺭﺍﺟﻞ ﺍﻟﻤﺮﺍ
ﻭﻣﺰﻳﻜﺎ ﺻﺎﺧﺒﺔ ﻣﺰﻣﺠﺮﻩ
ﺑﻌﺪﻳﻬﺎ ﺟﺎﺏ
ﻫﻮﻱ ﻳﺎ ﺍﺏ ﺷﺮﺍ
ﻭﺍﻟﺤﻔﻠﺔ ﻛﻠﻬﺎ ﺟﺎﻳﻄﺔ ﺟﻮﻁ
ﺗﻨﻄﻴﻂ ﻭﻓﺮﺣﺔ ﻭﻓﺮﻓﺮﻩ
ﻭﻛﻞ ﺷﺎﺏ ﻣﺤﺰﻕ ﺑﺎﻟﻬﺪﻭﻡ
ﺷﻤّﻂ ﺑﻄﻴﻨﺘﻮ ﻭﺿﻤﺮﺍ
ﻭﺑﻨﺎﺕ ﻧﻀﻴﻔﺔ ﻣﺘﻤﺮﺓ
ﻻﺑﺴﺎﺕ ﻟﺒﺲ
ﻣﺎﺑﺘﻮﺻﻒ
ﺍﻟﺠﻴﻨﺰ ﻛﻴﻒ
ﻭﺑﻠﻮﺯﻩ ﺿﻴﻘﺔ ﻣﺸﺮﺷﺮﺓ
ﻭﻓﻨﺎﻧﺎ ﺑﺎﻟﺤﻴﻞ ﻣﻨﻄﺮﺏ
ﻓﺮﺣﺎﻥ ﻳﻐﻨﻲ ﻭﻣﻨﻜﺮﺏ
ﻣﺎﻏﻨﻲ ﻏﻨﻴﺎﺕ ﺍﻟﺮﺟﺎﻝ
ﺩﻭﺭ ﻋﻠﻴﻬﻮ ﻏﻨﺎ ﺍﻟﺒﻨﺎﺕ
ﻓﻴﻮ ﺻﺎﻝ ﻭﺟﺎﻝ
ﻣﺎ ﺍﻟﻨﺎﺱ ﺩﻱ ﺍﺻﻠﻬﺎ ﺣﺎﻻ ﻣﺎﻝ
ﻭﺧﻼﺹ ﺧﺮﺏ
ﻣﺎ ﺍﻟﻔﻦ ﺑﻘﻲ
ﻣﻤﻜﻦ ﻳﻜﻮﻥ ﻟﻲ ﺍﻱ ﺯﻭﻝ
ﺍﺳﻬﻞ ﺩﺭﺏ
ﻭﻳﻘﻮﻟﻮﺍ ﻓﻦ
ﻭﻏﻨﺎ ﺍﻟﺤﻘﻴﺒﺔ
ﺧﻼﺹ ﻗﺪﻡ
ﺳﺒﻘﻪ ﺍﻟﺰﻣﻦ
ﻳﺎ ﺣﻠﻴﻠﻮ ﻣﺎﺕ
ﻭﻫﻨﺎ ﺍﻧﺪﻓﻦ
ﻭﺍﻟﻠﻪ ﻣﺤﻦ
&&&&&&&&&&&&&