ﻏﺰﻝ ﻋﻤﺎﻝ
ﻗﺎﻝ ﻣﻜﺎﻧﻴﻜﻰ :
ﻳﺎ ﻭﺍﻗﻔﺔ ﺑﻴﻦ ﺻﺒﺮﻱ ﻭﺗﺮﻭﺱ ﺍﻟﻔﺮﻣﻠﺔ
ﺃﻧﺎ ﺑﺤﻜﻲ ﺭﻳﺪﻙ ﻟﻠﻤﻸ
ﻭﺍﻟﺠﺎﻧﻲ ﻣﻦ ﺑﺴﺘﻢ ﻣﺸﺎﻋﺮﻙ
ﺑﻠﻔﻮ ﻃﺎﺭ ﺑﺤﻜﻴﺒﻮ ﻟﻠﻴﻞ ﻭﺍﻟﺨﻼ
ﻭ ﺃﻧﺎ ﺑﻌﺬﺭﻙ
ﻭﺃﻭﺯﻥ ﺩﺭﻛﺴﻮﻥ ﺍﻟﺼﺒﺮ
ﻭﺃﺿﻐﻂ ﻛﻠﺘﺶ ﺍﻷﻣﻨﻴﺎﺕ
ﻟﻮ ﺃﻟﺤﻘﻚ
ﻳﺎ ﺍﻟﺤﻨﺘﺎ ﺯﻱ ﺯﻳﺖ ﺭﺟﻮﻉ
ﺃﺳﻮﺩ ﻣﻦ ﺍﻟﺸﻘﺎ ﻭﺍﻟﺪﻣﻮﻉ
@@@@@@@@@@@@@@@
ﻗﺎﻝ ﺟﺰﺍﺭ :
ﻳﺎ ﻃﺎﻋﻤﺔ ﺯﻱ ﻛﺒﺪﺓ ﺍﺑﻞ
ﺑﺎﻟﺸﻄﺔ ﻭﺍﻟﻠﻴﻤﻮﻥ ﺷﻔﺎ
ﺃﻧﺎ ﺑﻲ ﻭﺭﺍﻙ ﺳﺒﺖ ﺍﻟﻘﻄﻴﻊ
ﺿﻞ ﺍﻟﺪﺭﻳﺐ ﻭﻋﻠﻴﻚ ﺣﻔﺎ
ﻳﺎ ﻛﺎﺳﺮﺓ ﺑﻲ ﻓﺮﺍﺭ ﻫﻮﺍﻙ
ﺃﺿﻠﻌﻲ ﻭﻇﺮﻭﻓﻲ ﺍﻟﻤﺆﺳﻔﺔ
@@@@@@@@@@@@@@@@
ﻗﺎﻝ ﻣﻜﻮﺟﻲ :
ﻳﺎ ﻛﺎﻭﻳﺔ ﻗﻠﺒﻲ ﻗﺒﻞ ﻗﻤﻴﺼﻲ
ﺭﺷﻴﺖ ﻟﻴﺎﻗﺘﻮ ﻭﻣﺎ ﺍﻧﻜﻮﻯ
ﻳﺎ ﺭﻳﺘﻨﻲ ﻟﻮ ﺃﻏﺴﻞ ﺩﻭﺍﺧﻠﻲ ﻣﻦ ﺍﻟﻬﻮﻯ
ﺯﻱ ﻋﻤﺔ ﺑﻴﻀﺎ ﺃﺷﺮﻫﺎ
ﺻﺎﺑﻮﻥ ﻫﻮﺍﻙ ﻏﺴﻞ ﺍﻟﻨﻮﻯ
@@@@@@@@@@@@@@@@@@
ﻗﺎﻝ ﻧﺠﺎﺭ :
ﻣﺴﻤﺎﺭ ﻭﺩﻗﻴﺘﻲ
ﻓﻲ ﺧﺸﺐ ﺍﻟﻠﻴﺎﻟﻲ ﺍﻟﻤﺤﺰﻧﺔ
ﻣﻨﺸﺎﺭ ﻫﻮﺍﻙ
ﻗﻄﻊ ﺍﻟﺼﻼﺕ ﺍﻟﻤﻤﻜﻨﺔ
ﻳﺎ ﺃﺑﻠﻜﺎﺵ ﻭﻓﻮﺭﻣﺎﻳﻜﺔ
ﺃﻭ ﺗﻚ ﺧﺸﺐ ﺍﻟﺠﻨﻮﺏ
@@@@@@@@@@@@@@@@@@
@@@
ﻗﺎﻝ ﻭﺍﺣﺪ ﺟﻌﺎﻥ :
ﻳﺎ ﺣﺎﺟﺔ ﺃﺷﺒﻪ ﺑﺎﻟﺮﻏﻴﻒ
ﻣﺮﻗﻮﻫﺎ ﺃﺳﻲ ﻣﻦ ﺍﻟﻔﺮﻥ
ﺃﻧﺎ ﺑﻔﻘﺪﻙ ﻟﻤﺎ ﺍﻟﻌﻴﻮﻥ
ﺗﺸﺘﺎﻕ ﺃﻣﺎﺳﻴﻚ ﺍﻟﺸﺒﻊ
ﻭﺍﺗﺨﻴﻠﻚ ﻗﺪﺭﺓ
ﻭﺭﺣﻴﻖ ﺍﻟﻔﻮﻝ
ﺍﻧﺸﺎﻟﻠﻪ ﻓﻲ ﺃﺣﻼﻙ ﻇﺮﻭﻑ
ﻣﺎ ﻧﺸﺘﻬﻲ ﺍﻟﺠﺒﻨﺔ ﻭﻧﻄﻮﻑ
ﻛﻞ ﺍﻟﺪﻛﺎﻛﻴﻦ ﻣﻐﻠﻘﺔ
ﻭﺍﻟﺰﻳﺖ ﺻﺒﺢ ﻳﺎ ﺯﻳﺖ ﻣﻨﺎﻱ
ﻣﺎﻓﻲ ﻭﻧﺸﻒ
ﻣﺼﺮﺍﻥ ﻣﺸﺎﻋﺮﻱ ﺍﻟﻤﺮﻫﻔﺔ
&&&&&&&&&&&&&&
ﻟﻤﺎ ﺷﻔﺘﻚ
ﻟﻤﺎ ﺷﻔﺘﻚ ﻗﻠﺒﻲ ﻛﺎﻥ ﻧﺎﺻﻊ ﻧﻀﻴﻒ
ﺯﻱ ﺍﻟﻄﻴﻮﺭ ﺍﻟﺮﺍﺣﻠﺔ ﻓﻲ ﺯﻣﻦ ﺍﻟﺨﺮﻳﻒ
ﻋﺸﺖ ﻣﺘﺄﻟﻢ ﻭﻣﺎ ﻗﺎﺩﺭ ﺃﻗﻴﻒ
ﺯﻱ ﺯﻱ ﻣﺸﺮﻭﺭ ﻭﺣﻴﺪ
ﻣﺴﺘﻨﻲ ﺑﺎﺻﺎﺕ ﺍﻟﺠﺮﻳﻒ
ﺃﻧﺎ ﺍﻟﻜﻴﺸﺔ ﺻًﺪﻗﺖ ﺇﺩﻋﺎﺋﻚ
ﻳﻮﻡ ﻗﻠﺘﻲ ﻟﻲ ﺩﻣﻚ ﺧﻔﻴﻒ
ﻭﺧﺪﻋﻨﻲ ﺑﻮﺥ ﻧﻈﺮﺍﺕ ﻋﻴﻮﻧﻚ
ﻣﻠﻴﺎﻧﺔ ﺑﺎﻟﻜﺤﻞ ﺍﻟﻈﺮﻳﻒ
ﻗﻤﺖ ﺷﻠﺖ ﺍﻟﻜﻴﺲ ﻣﻦ ﺍﻳﺪﻙ
ﻭﻭﻗﻔﺖ ﻓﻲ ﺻﻒ ﺍﻟﺮﻏﻴﻒ
ﺩﺍﻓﻌﺖ ﻟﻴﻚ ﻭﺳﻂ ﺍﻟﺨﻠﻮﻕ
ﻋﺸﺎﻥ ﺗﻘﻮﻟﻲ ﻭﻟﺪ ﺣﺮﻳﻒ
ﻭﺍﺩﻳﺘﻚ ﺍﻟﻌﻴﺶ ﺑﺎﺑﺘﺴﺎﻣﺔ
ﻧﺎﺑﻌﺔ ﻣﻦ ﻗﻠﺒﻲ ﺍﻟﺮﻫﻴﻒ ﻭﺑﻌﺪ ﻣﺎ ﺷﻠﺘﻲ ﺍﻟﻌﻴﺶ
ﻧﺴﻴﺘﻴﻨﻲ ﻭﻣﺸﻴﺘﻲ ﺑﻌﻴﺪ
ﻭﺍﻧﺎ ﺍﻟﻤﺸﺪﻭﻩ ﺃﻋﺎﻳﻦ ﻓﻴﻚ
ﺯﻱ ﺇﻗﻠﻴﻤﻲ ﺟﺎﻱ ﺟﺪﻳﺪ
ﺗﺎﻩ ﻓﻲ ﺯﺣﻤﺔ ﺍﻟﺨﺮﻃﻮﻡ
ﻭﺷﺎﻑ ﺍﻟﻨﺎﺱ ﺷﻤﺎﻝ ﻭﺻﻌﻴﺪ
ﻣﺎ ﺗﻨﺒﺴﻄﻲ ﻳﺎ ﺣﻠﻮﺓ
ﺑﻌﺪ ﻧﻜﺮﺍﻧﻚ ﺍﻟﻤﻌﺮﻭﻑ
ﺃﺻﻠﻮ ﺍﻟﺤﻲ ﻣﺼﻴﺮﻭ ﻳﻼﻗﻲ
ﻳﺎﻣﺎ ﺑﻴﺸﻮﻑ
ﻭﺍﺻﻠﻮ ﺍﻟﻨﺎﺱ ﺣﻴﺎﺗﻬﺎ ﻇﺮﻭﻑ
ﻭﻳﻮﻡ ﺑﻠﻘﺎﻙ ﻓﻲ ﻭﺭﻃﺔ
ﻻﻧﻮ ﺑﻠﺪﻧﺎ ﻛﻠﻮ ﺻﻔﻮﻑ