ﻫﻞ ﺍﻧﺖ ﺳﻮﺩﺍﻧﻲ : ﻫﻞ
ﺍﻛﻠﺖ ﺍﻟﻜﺴﺮﺓ ﺑﺎﻟﻠﻮﺑﺔ ؟؟؟
ﺑﺘﻌﺮﻑ ﺗﻘﻠﺐ ﺍﻟﻬﻮﺑﺔ ؟؟؟
ﻭﻋﻤﺮﻙ ﺷﻔﺘﺔ
ﺭﺍﻛﻮﺑﺔ ؟؟
ﻓﻲ ﻳﻮﻡ ﻓﻠﻘﻮﻙ ﺑﻲ
ﻃﻮﺑﺔ ؟؟
ﻟﺒﺴﺘﺔ ﺍﻟﺠﺒﺔ ﻣﻘﻠﻮﺑﺔ ؟؟
ﺣﻀﺮﺕ ﺍﻟﻌﺮﺿﺔ ﻭﺍﻟﻨﻮﺑﺔ ؟
ﺑﺘﻌﺮﻑ ﻳﻤﺔ ﺣﺒﻮﺑﺔ ؟
ﻭﻛﺖ ﺗﻤﺮﻕ ﺳﻌﻦ
ﺭﻭﺑﺔ ؟
............... ............... .............
ﻟﻌﺒﺖ ﺷﻠﻴﻞ .... ﺷﻠﻴﻞ
ﻭﻳﻦ ﺭﺍﺡ ؟
ﻋﻀﻢ ﺑﺎﻟﻠﻴﻞ .... ﻋﻀﻢ
ﻭﺿﺎﺡ
ﺟﻬﺎﻟﺔ ﻏﺒﺶ ﻧﻔﺘﺸﻮ ﺻﺎﺡ
ﻭﻧﻠﻌﺐ ﻳﻮﻣﻲ ﻣﺎ ﺑﻨﺮﺗﺎﺡ
............... ............... ......
ﺑﺘﻌﺮﻑ ﺗﻤﺸﻲ ﻛﺪﺍﺭﻱ ؟
ﺗﺴﻮﻕ ﺍﻟﻌﺠﻠﺔ ﺳﺪﺍﺭﻱ ؟
ﻭﺗﺮﻛﺐ ﻓﻲ ﺍﻟﺤﻤﺎﺭ
ﺟﺎﺭﻱ ؟
ﺗﺸﻮﺕ ﺍﻟﻜﻮﺭﺓ ﺿﻔﺎﺭﻱ ؟
............... ............... ........
ﻫﻮﻭﻭﻭﻭﻱ ﻳﺎ ﺑﻨﻴﺔ ﻗﺸﻲ
ﺍﻟﺤﻮﺵ
ﻭﻣﺸﻄﻲ ﺷﻌﺮﻙ
ﺍﻟﻤﻨﻜﻮﺵ
ﻭﺧﻠﻲ ﺍﻟﺒﻴﺖ ﺩﻭﺍﻡ
ﻣﺮﺷﻮﺵ
ﻭﻓﺮﺷﻲ ﻓﻲ ﺍﻟﺒﺮﻧﺪﺓ
ﺑﺮﻭﺵ
............... ............... ...............
ﻭﻛﺖ ﺣﻤﺎﺩ ﻗﻌﺪ ﺻﻨﻘﺮ
ﻭﺣﻠﺐ ﺍﻟﺒﻘﺮﺓ ﻭﺍﺗﺤﻜﺮ
ﻭﻗﺎﻝ ﻟﻠﻜﻠﺒﺔ ﺍﺑﻌﺪﻱ ﺟﺮ
ﻛﺪﻱ ﺍﺷﺮﺡ ﻟﻲ ﻗﻮﻟﺔ
) ﻋﺮ (
ﻣﻌﺎﻫﺎ ﺍﻟﺪﻭﻛﺔ ﻭﺍﻟﻘﻨﻘﺮ
ﻭﻗﻨﺪﻭﻝ ﺍﻟﻔﺮﻳﻚ ﺍﺧﺪﺭ
ﻭﺍﻟﻔﺮﺓ ﺍﻟﺒﺘﺨﻠﻊ ﻓﺮ
............... ............... ..
ﺍﺩﻟﻴﺖ ﻋﻘﺮﺕ ﺧﺪﺍﺭ
ﻭﺩﺣﺸﻚ ﻓﺮ ﻣﻨﻚ ﻭﻋﺎﺍﺍﺭ
ﻭﺣﺸﻴﺖ ﻓﻲ ﺍﻟﺠﻨﻴﻨﺔ ﻋﺪﺍﺭ
ﻭﻏﻨﻴﺖ ﻓﻲ ﺍﻟﻔﺠﺮ ﻣﺴﺪﺍﺭ
............... ............... ..............
ﺍﻛﻴﺪ ﻣﺎ ﺑﺘﻌﺮﻑ ﺍﻟﺰﻏﺮﻭﺩ
ﻣﺎ ﺟﺮﺑﺖ ﺿﺮﺏ ﺍﻟﺴﻮﻁ
ﻭﻻ ﻏﻨﻨﻠﻚ ﺍﻟﺒﻨﻮﺕ
ﻭﻻ ﻏﻨﻤﻚ ﺭﻋﻦ ﺣﻨﺘﻮﺕ
............... ............... .........
ﺍﻳﺎﺩﻳﻚ ﻧﺎﻋﻤﺔ ﻣﺎ ﺧﺸﻦ
ﻭﻻ ﺟﺮﺑﺖ ﻣﻮﻳﺔ ﺍﻟﺸﻦ
ﻭﻣﺎ ﻗﻔﻴﺖ ﻏﻨﻢ ﻃﺸﻦ
ﻟﻘﻴﺘﻦ ﻓﻲ ﺍﻟﺨﺪﺍﺭ ﺧﺸﻦ
............... ............... ........
ﻫﻞ ﺷﺮﻛﺖ ﻟﻲ ﻃﻴﺮﺓ
ﻭﺷﺮﻛﻚ ﻗﺎﻡ ﻗﺒﺾ ﻏﻴﺮﻩ
ﻭﻛﺎﻥ ﺩﻳﻚ ﻋﻤﺘﻚ ﺧﻴﺮﺓ
ﻭﺗﺮﻗﺪ ﺻﻮﻑ ﻭﻓﺮﻳﺮﺓ
............... ............... ....
ﺑﺘﺤﻀﺮ ﻣﻮﻟﺪ ﺍﻟﻤﺨﺘﺎﺭ
ﻭﺗﺴﻤﻊ ﻟﻠﻤﺪﻳﺢ ﺑﺎﻟﻄﺎﺭ
ﻭﺍﻟﺪﺭﻭﻳﺶ ﻟﻒ ﻭﺩﺍﺭ
ﻭﻧﻠﻒ ﺑﺮﺓ ﻧﺤﻦ ﺻﻐﺎﺭ
............... ............... .......
ﻓﻲ ﻳﻮﻡ ﻗﺮﻗﺮﺕ ﺯﻣﺒﺎﺭﺓ
ﺣﻀﺮﺕ ﺍﻟﺤﻔﻠﺔ ﻓﻲ ﺍﻟﺤﺎﺭﺓ
ﻭﺑﺎﺭﻳﺖ ﻟﻴﻚ ﻃﻤﺒﺎﺭﺓ
ﺳﻤﻌﺖ ﺍﻟﺪﻧﻴﺎ ﺩﻭﺍﺭﺓ
............... ............... .........
ﺗﻌﺮﻑ ﺍﻟﻠﺒﻘﺔ ﻭﺍﻟﺘﺮﺑﺎﻝ
ﺷﺎﻝ ﻃﻮﺭﻳﺘﻮ ﺭﺃﺱ
ﺍﻟﻤﺎﻝ
ﻭﺣﺯﻡ ﺍﻟﺘﻜﺔ ﻭﺍﻟﺴﺮﻭﺍﻝ
ﻭﻗﺎﻝ ﻟﻲ ﺍﺭﺿﻪ ﺟﻮﻛﻲ
ﺭﺟﺎﻝ
............... ............... .............
ﺧﺮﻭﻑ ﻣﻀﺒﻮﺡ ﻋﺸﺎﻥ
ﺍﻟﻀﻳﻒ
ﻭﺟﻪ ﻣﻄﺮﻭﺡ ﺻﺪﻭﻕ
ﻣﺎﺯﻳﻒ
ﺧﺼﺎﻟﻦ ﺗﺘﻌﺐ ﺍﻟﻮﺻﻴﻒ
ﻭﻛﺎﻥ ﻭﺍﺻﻠﺖ ﻣﺎ
ﺣﺎﻗﻴﻒ ..
ﺍﻟﻤﺎﺑﻌﺮﻑ ﻣﻌﺎﻧﻲ ﻭﻃﻌﻢ
ﺍﻟﻜﻠﻤﺎﺕ ﺩﻱ ﻳﻘﻮﻝ ﻳﺎﺩﻧﻴﺎ
ﻋﻠﻴﻜﻲ ﺍﻟﺴﻼﻡ ﻻﻧﻮ
ﻓﺎﻗﺪ ﻃﻌﻢ ﻭﺍﻗﻊ ﻛﺎﻥ
ﺟﻤﻴﻞ
موضوع: شعر سوداني حلمنتيشي 
الخميس أغسطس 28, 2014 4:12 am
